United Nation Industrial Development Organization (UNIDO), Guwahati leh Bamboo Developpment Agency, Mizoram tangkawpin a buatsaih mau hmanga thilsiam zirna ‘Training on Bamboo Product Development’ chu Mizoram a vawikhatna atan Directorate of Industries, Horizontal Extension Building-ah kalpui mek a ni.

He training hi UNIDO in a senso tum in Bamboo Development Agency in alo buaipui a. 12th June, 2012 ah Agriculture Conference Hall-ah te training hi hawng in Industries Directorate Building-ah training hi chhunzawm a ni a. Tualchhunga mau hmanga thilsiam buaipuitu leh helama tuimi engemawzat an dil an awm laiin seat 20 chauh a awm avangin mipa 6 leh hmeichhia 14 training tura thlan an ni a. Trainees-te hi group hnihah then in, mipa lam group hi furniture siamin hmeichhe lamin bamboo basket leh a te nawi lam siam an buaipui thung. Assam leh Tripura atanga mithiam rawn kal ten nitin practical training an neihpui a, thuthleng seat, rocking chair, fruit basket, tea tray, ash tray, hair clip etc. te an siam tawh a, vawiin (28/6/2012 )hian training kharna neiin certificate semchhuah a ni ang.

Hetianga mau hman tangkai zirna training hi neih chhunzawm zel tum a ni.