Nithum chhung awh tur “Training on Good Governance” chu vawiin chawhma dar 10 : 00 khan D.C’s Conference Hall Saiha-ah Saiha khawpui chhunga sawrkar hnathawk te tan neih tan a ni.

He training hawnna inkhawm ah hian Pu Zothanmawia Khiangte, SDC Saiha chuan thu sawiin training hautak zet mai buatsaihtu Administrative Training Institute, Mizoram, Aizawl te chungah lawmthu a sawi a, he training-na a tel zawng zawng te chungah pawh lawmthu a sawi bawk.Training pawimawh zia sawiin training chhuak te chu Chem tah hriam ang anni tiin mahni hna thawhna theuh ah rinawmna leh taimakna leh dikna a pawimawh ani, a ti bawk. Pu Lalrinawma,Joint Director, ATI pawhin thu sawiin ATI kalphung leh a hnathawh dan hrang hrang te a sawi langa A.T.I. hnuaia training chhuak te chu ATI-ta an ni a ti bawk. He Training na ah hian Faculty member pathum Pu Lalrinawma, Joint Director (Training) ATI, Pu C. Lalsangzuala, Deputy Director(Admn) ATI leh Pu P.C. Ralliana, Assistant Director, ATI ten thupui then hrang hrang hmangin an zirtira, Pu C.Lalsangzuala, Joint Director chuan CCS (Conduct) Rules 1964 tih thupui hmangin a zirtir a, General Conditions of Service tih thupui hmangin Pu Lalrinawma,Joint Director (Training) ATI in a zirtir bakah T.A. Rules chungchang Pu P.C. Rallian’an a zirtir bawk. Traning ah hian C.C.S. Conduct Rules 1964 chungchang Power Point Presentation hmanga entir ani a, he Training-na ah hian Saiha khawpui chhung department hrang hrang atangin mi 43 an tel a ni.

Attachment

  • Loading attachment...