India sawrkar, Bureau of Police Research & Development (BPR&D), New Delhi bul tumin ni 5 awh tur, “ Training on Investigation of Economic Offence” chu vawiin khan Anti- Corruption Bureau(ACB) Conference Hall ah ACB Director Pu Mukesh Kumar Meena, IPS in a hawng.

He training ah hian subject chi hrang hrang thlan chhuah 12 hmangin mi thiam  ten, India hmarchhak state hrang hrang leh Mizoram  Police atangin mi 23 te hnenah training an pe dawn a ni.

Economic offence hi tunlai India ramah a hluarin buaipui a hlawh hle em em a.  Ram ei leh bar leh economy thang mek ti khaihlak a, tibuai thei chi reng reng hi economic offence chuan a huam a. Economic offence sualna do nan leh dan bawhchhia te hremna turin India ram chuan dan mumal tak a nei a. IPC Income Tax Act, Custom Act 1962, Foreign Exchange Regulation 1973, Banking Regulation Act, Companies Act, Arms Act leh a dangte hi India rama economic offence do na atana dan hman mek te an ni a. Economic offience sualna chi hrang hrang te enzui a chhui zui tur pawl te pawh mumal tak India ramin a nei a. Heng CBI Directorate of Enforcement, Central Narcotic Bureau, State Police a Economic Offence Wing, Crime Branch, Directorate of Income Tax, Directorate of Foreign Trade, Directorate of Revenue Intelligence te hi chutiang atana awm chu an ni.