Vawiin chawhnu khan Lengpui Airport-ah Mizoram Governor 21-na atana naktuk a lakluh tur, Governor a ruat(Designate) Pu PS Sreedharan Pillai chu tlawhnain a rawn tum a. Lengpui Airport-ah hian Mizoram Chief Minister Pu Zoramthanga,Home Minister Pu Lalchamliana, Chief Secretary Pu Lalnunmawia Chuaungo, Pu LH Shanliana, IGP, Bawrhsap Pu Vanlalngaihsaka, Aizawl SP Pu C.Lalzahngoa leh sawrkar mi pawimawh dang ten Governor thar Thlawhna bulah hi an lo hmuak a. Lengpui Airport main gate kawtah Governor designate Pu PS Sreedharan Pillai hi Mizoram Police ten Guard of Honour an pe a.   Naktuk chawhma hian Circular Lawn, Raj Bhavan-ah Mizoram Governor thar atan rinawmna thu tiam tirin lakluh a ni dawn a ni.