Krishi Vigyan Kendra (KVK) Saiha District leh Department of Agriculture te tangkawpin an buatsaih “Training cum Awareness of Farmers on Protection of Plant Varieties & Famers Rights Act” tih thupui hmangin vawiin chawhma dar 10 : 30Am khan I&PR Conference Hall, Saiha-ah neih a ni.

He Training hi Pu R.L. Thanzuala, Dy Director, Farm & Quality Seed (F&QS) chuan a kaihruaia, Pu I.P.Junior, E.M. (Agriculture) chu khuallian a ni. Kalkhawmte inhmelhriat tirna Pu Lalneihthanga Colney, Subject Matter Specialist (R&E) leh Dr Chawngkhuma Chawngthu, President, AMFU Saiha District ten an neih zawh hnuin Khuallian chuan sawrkarin kut hnathawk tute hamthatna tur leh an thlaithar te hlawk zawk a an hralh theihna turin theih tawp in hma a la mek a ni, ati a. kan thlaichi te pawh dan ang thlap in fel taka Register thlap turin a chah bawk.

Pu H.Lalthanpuia, Director of Agriculture, Government of Mizoram pawh in Loneitu kalkhawmte hnenah thu sawiin; thlai engpawh ching se hlawhtling tur chuan tih tak takna, taimakna, tumruhna, huaisenna leh chhelna te a pawimawh a ni, a ti.

Chawhnu lamTechnical Session chu Dr Vanlalhruaia Hnamte, Programme Co-ordinator, Krishi Vigyan Kendra (KVK) Saiha chuan a kaihruaia. Pu Lalneihthanga Colney, Subject Matter Specialist (SMS) Research & Education (R&E) chuan Power Point Presentation hmangin “Protection of Plants Varieties & Farmers Rights Act” tih thupui hnuaiah training a pe a. Pu R.L.Thanzuala, Deputy Director, Farma & Quality Seed (FQS) pawhin training hi a pe bawk a ni. Zawhna leh chhanna bakah sawihona hun te neih a ni a. Training-ah hian Saiha khawpui chhunga Loneitu mi 95 an tel a, Chairman in lawmthu sawina leh Training kharna a neih hnu-ah he Farmers Traning hi tih tawp a ni.