Vawiin khan Food, Civil Supplies & Consumer Affairs Department buatsaihin Chhimveng YMA Hall, Mamit-ah Mamit District chhunga YMA, V/C leh Retailer te hnenah Public Distribution System zirtirna neih a ni.
He training-ah hian Pu Rokunga Ralte, Jt. Director & Course Director, FCS & CA Deptt. chuan zirtirna pein, PDS (Public Distribution System) in a tum ber chu eitur neilote hnena eitur mamawh peh hi a ni a, chhungkua zawng zawngin food security an neih theihna tur niin tunah hian mipui hnenah buhfai 1 Kg. Rs. 9.30 a sem hian, Mizoram sawrkar hian Kg. 1 ah Rs. 12.10 in a chawi belh ziah ang a ni a ti. Retailer te pawhin Godown-ah a buk tling ngei an la tur a ni, mipuite hnenah pawh buk tling ngei an pe ngei tur a ni a ti. Retailer te hian pawisa nawi aia thil dang an pek chuan, District Forum ah thlen theih a ni a, pawisa nawi neih kha retailer te mawhphurhna a ni, a ti bawk.
He training hi Pi Rosangpuii, Dy. Director (Adm), FCS&CA Deptt. in a kaihruai a, he training ah hian Retailer, V/C, YMA leh Store Keeper te nen an vaiin mi 190 an tel a ni.
He training hi Pi Rosangpuii, Dy. Director (Adm), FCS&CA Deptt. in a kaihruai a, he training ah hian Retailer, V/C, YMA leh Store Keeper te nen an vaiin mi 190 an tel a ni.
