Vawiin chawhma dar 10:30Am khan D.C’s Conference Hall, Siaha-ah Vigilance Department, Government of Mizoram bultumin Siaha District a Gazetted Officer ten Training an neih a ni.

He Training Programme hi Pi Marilyn Rualzakhumthangi, SDO(S) chuan a kaihruaia, he Training Programme hawngtu Smt. Harleen kaur IAS, Deputy Commissioner, Siaha District chuan thu sawiin, hetianga Sawrkarin Aizawl pan buai ngai lova kan District ngeia Training min rawn neihpui thei hi a lawmawm em em a, Siaha District a Officer ten he hun tha hi ngaihthah mai lova tangkaipui ngei tur leh hlawkpui ngei turin kalkhawmte chu duhsakna a hlan a ni.

Pu Vanlalzuala Chhangte, Superintendent, Pu James Lalchhuanawma, Assistant leh Pu Zodinpuia, Assistant, Vigilance Department, Aizawl ten he Training hi an rawn neihpui bakah zawhna leh chhanna hunte hman niin Siaha a Department hrang hrang atanga Officer 50 vel ten he Training hi an tel a ni.