Consultative Committee on Transport Department chu vawiin chawhnu dar 1:00 khan an Chairman Pu John Rotluangliana, Minister, Transport etc. hovin ama office chamber ah an thukhawm a, Consultative Committee meeting kalta thurel te an thlirlet bakah District Council Area-a Road Taxes leh Passenger & Goods Taxes khawn chungchanga state dangte kalpui dan an zirchianna te an sawi ho a, rawtna te siamin Cabinet Meeting ah thlen turin an rel bawk a ni.

Vawiin Consultative Committee on Transport Department ah hian Parliamentary Secretary Pu T.T.Zothansanga, MLA te - Pu K.Sangthuama, Pu Lalthanliana, Pu P.C.Zoramsangliana, Pu Ngurdingliana leh Pu John Siamkunga, Transport Secretary Pu Hrangtawna leh Transport leh Parliamentary Affairs Department hotute an kal a ni.