Vawiin khan Pu T. Sangkunga-MLA, Mizoram Youth Commission Chairman Office-ah Mizoram Sainik Welfare & Resettlement Director leh Mizoram Youth Commission hruaitute chuan Brig. T. C. Malhatra, 23 Sector Commander Assam Rifles kawmin engtinnge Mizo thalai ten Armed Forces Service an zawm theih dan tur sawiho a ni a. Mizo thalaite zingah Commission Officer kan tlem tak em avangin Mizo thalai lehkhathiam ten Armed Forces an zawm theihna turin Mizoram Youth Commission leh Assam Rifles tangkawp chuan hmalakna tur sawi ho a ni a.

A tumkhat nan 1st October, 2015 ah Mizoram University-ah leh 5th October, 2015 ah Pachhunga University College ah awareness campaign neih nise tih rel a ni a. Chumai piah lamah Sikul hrang hrangah a remchan dan anga neih chhunzawm nise tiin thuthlukna siam a ni. Sipai tang duh tan Assam Rifles te hian training pek an remti bawk.

Ni 20th -24th January, 2016-a sipai lak runpui neih turah hian zokhaw lama Assam Rifles awmna apiangah Pre-recruitment training neih nise tih a ni a. Tun tum-ah hian online application tih a ngaih tawh dawn avangin Assam Rifles Battalion Headquarter ah a thlawna tihsak remtih a ni bawk. He sipai lak runpuiah hian kum 17,1/2 - 21 yrs chin tan dil theih a ni. Officer bik tan kum 25 chin tan dil theih a ni.