No.667/2020-2021

29.April.2020: Transport Department chuan a hnuai a mi ang hian COVID-19 avanga Mizoram mipuiten harsatna an tawh laia an hnathawhna hrang hrangte an tarlang:

1. Transport Department hi Mizoram sorkar hnuaia department hrang hrang te zingah hian kumtinin revenue chhung lut tam pawl kan ni ziah thin a. Nikum financial year 2019-2020 chhunga sorkarin revenue target min tuk zat chu Rs. 3202.70 lakh a ni a. Chutihlaiin kumin March ni 31 thleng khan Rs. 4941.92 lakh lai revenue sorkarah kan chhung Iut thei a, sorkarin target min siam sak hi Rs. 1739.22 zetin kan khum a ni.

Kum dang angin kan target hi kan khum nasa lova. A chhan chu sorkarin road tax khawn dan kalphung a thlak avang leh sorkar kum tawp dawn lama COVID-19 avanga Iockdown vang a ni. Hetianga Covid-19 avanga hun harsa tak kan tawk chunga heti zata revenue target kan khum thei hi kan Iawm takzet a ni.

2. MORTH notification No:RT-11012/02/2019-MVL(pt-8) dated the 30th March 2020 in advisory a chhuah angin Iirthei chi hrang hrang Fitnees fee te, permit chi hrang hrang, Driving Licence leh document thi thei chi hrang hrang lock down avanga renew theih Ioh, ni 1st February 2020 atanga ni 30th June 2020 inkara thi te chu ngaihna thiam an ni a. Essential Commodities leh Non-Essential Commodities phur Iirthei te chu an document thi te ngaihnathiamin, tluang taka Mizoramin bungrua kan Iakluh theihna atan a tul angin Transport Department-in kan tanpui thin an ni.

3. Lirthei khu avanga boruak bawlhhlawh tihtlemna atan Supreme Court chuan BS-IV engine hmang Iirthei te chu March 2020 thleng bak registration a phalsak lova. Hetiang a nih avang hian India sorkar pawhin April ni 1, 2020 hnu lamah chuan BS-IV Iirthei te register phalsak anih Ioh tur order an chhuah a. Lockdown in a chhunzawm ta mai bawk si a, Iirthei leitute leh motor hralhtu te an buai ta em em mai a. He an harsatna hre reng hian Iockdown hnuaiah pawh Transport Department chuan remruatna fel taka siamin BS-IV Iirthei te register hna thawh a ni a. Lirthei 400 dawn lai register fel niin sorkarah revenue engemawzat chhun luh a ni a. Lirthei neitute leh Vehicle Dealer te pawh Transport Department chungah an Iawm ve hle in hriat a ni a. Kan system-a register tura Iut te chu kan intifel hman vek niin kan hria.

Chutihlaiin state dang thenkhat Io inti fel ve hman lo an awm avangin Supreme Court lamin March 2020 hmalama Iirthei hralh tawh Ia register hman Io tan April 2020 thleng hun a pawtsei a. Hei hi hmang tangkai turin mipuite leh Dealer lamte pawh kan inhriat tir hlawm a. India sorkarin thudang a rawn nei anih Ioh chuan April 2020 hnu lamah chuan BS-IV Iirthei te hi register theih a ni tawh lovang.

4. Transport Department enkawl MST Bus te hi Lockdown hnuaiah pawh mipui tangkhangte phurtur leh Covid-19 avanga harsatna awm te sukiang turin an tlan chhuak reng a. Chawhrualin nitin bus 15 vel hi duty reng ang an ni a. Hetiang anih avang hian Lockdown hnuaiah pawh Bus enkawltute chu office an kal reng a. Tun dinhmunah hian Mizoram chhunga kan station hrang hranga Bus awm te pawh sorkarin a mamawh huna che chhuak thei turin inrin tir vek an ni.