Vawiin khan Mizoram University Students’ Union (MZUSU) chuan MZU Conference Hall, Tanhril-ah zirlai lut tharte tan ‘Freshers’ Social 2009’ leh zirlai chhuak turte tan ‘Seniors’ Farewell’ an nei a, Transport Minister Pu P.C.Zoramsangliana chu Khuallian a ni.
India rama University-te zinga naupang pawl nimahse Mizoram University chu discipline nei tha ber pawl leh zirlai lut tharte sawisakna “ragging” awm miah lohna University awmchhun a ni hial chu Minister chuan a chhuanawm hle a ni, a ti a. Zirlai lut thar leh la lut zel turte pawhin Mizoram University hming ti tha turin lehkha zir lamah leh an nungchangah te in uluka theihtawp chhuah zel turin a chah a, hei hian University mai bakah Mizoram leh Mizo hnam timawitu a ni ngei ang, a ti bawk. Sorkar laipui chuan bus 31 lai Mizoram hnenah JNNURM hnuaiah pek rem a tih thu tarlangin, Pu P.C. Zoramsangliana chuan Mizoram University bus indaihlohna a hriatpui avangin bus 3 chu MZU pualin an chah chhuah tur thu a sawi a. Kumin chhunga Art & Culture Dept leh NEZCC tangkawpa Mizorama ‘Inter-Collegiate Meet’ an buatsaih tur atan MZU zirlaite chu lo inpuahchah lawk tur leh zirlai thahnem thei ang ber lo tel turin a chah nghal a ni.
MZU Vice-Chancellor Prof. A.N. Rai pawhin thu sawiin Mizoram University-a lut zawng zawng zirtirtu leh zirlaite chu chhungkaw lian tak pakhat ang an nih avangin harsatnate in hrilh tawna, inhriatthiam sak tawn a tulzia a sawilang a. Mizoram University chu la naupang hle mahse hna an thawh that avang leh zirlaiten zirna lamah pawh rah duhawm tak tak an neih chho zel avangin rampum ngaihven an hlawh mek a. University ding thar leh ding tur te kalphung turah pawh MZU hotute rawtna chu ngaih pawimawh berte zing ami a ni hial tawh a ni, a ti. Mizoram University Campus chhunga zirna in, hostel, auditorium, library, recreation centre leh office hrang hrang te pawh hna tan vek a nih tawh thu tarlangin Vice-Chancellor chuan kum 2011-ah chuan University inrelbawlna tur thil tul zawng zawng chu zawhfel vek a ni thei dawn a ni, a ti bawk. Mizoram University anga zirna leh student activities lama hmasawn chak University an awm loh avangin sorkar laipui leh UGC atang pawhin duhsakna namen lo an hmuh thin thu a sawi bawk a ni.
MZU Registrar Pu Benjamin-a pawhin Mizoram University-in a tum khatna atan ‘Communal Harmony Week” an hman mek thu a sawi a, Mizoram state pawn atangin zirlai rawn lut kumtin an pung zel chu a lawmawm hle a ni, a ti.
Vawiin Freshers’ Social a hmanpuinaah Khuallian Transport Minister chuan University Library atan lehkhabu thahnem tak leh football leh volleyball engemawzat MZUSU hnenah a hlan a ni.
MZU Vice-Chancellor Prof. A.N. Rai pawhin thu sawiin Mizoram University-a lut zawng zawng zirtirtu leh zirlaite chu chhungkaw lian tak pakhat ang an nih avangin harsatnate in hrilh tawna, inhriatthiam sak tawn a tulzia a sawilang a. Mizoram University chu la naupang hle mahse hna an thawh that avang leh zirlaiten zirna lamah pawh rah duhawm tak tak an neih chho zel avangin rampum ngaihven an hlawh mek a. University ding thar leh ding tur te kalphung turah pawh MZU hotute rawtna chu ngaih pawimawh berte zing ami a ni hial tawh a ni, a ti. Mizoram University Campus chhunga zirna in, hostel, auditorium, library, recreation centre leh office hrang hrang te pawh hna tan vek a nih tawh thu tarlangin Vice-Chancellor chuan kum 2011-ah chuan University inrelbawlna tur thil tul zawng zawng chu zawhfel vek a ni thei dawn a ni, a ti bawk. Mizoram University anga zirna leh student activities lama hmasawn chak University an awm loh avangin sorkar laipui leh UGC atang pawhin duhsakna namen lo an hmuh thin thu a sawi bawk a ni.
MZU Registrar Pu Benjamin-a pawhin Mizoram University-in a tum khatna atan ‘Communal Harmony Week” an hman mek thu a sawi a, Mizoram state pawn atangin zirlai rawn lut kumtin an pung zel chu a lawmawm hle a ni, a ti.
Vawiin Freshers’ Social a hmanpuinaah Khuallian Transport Minister chuan University Library atan lehkhabu thahnem tak leh football leh volleyball engemawzat MZUSU hnenah a hlan a ni.
Attachment
- Loading attachment...
