August ni 3, 2009 a neih tur Mizoram Trade & Investment Conclave chungchang ngaihtuahin Trade & Commerce Minister Pu Lalrinliana Sailo hovin official te leh Mizoram Entrepreneurship Network (MEN) hotute an thukhawm.
August 3, 2009 hian Beraw, Tourist Complex-ah Mizoram Trade & Investment Conclave neih a ni dawn a. He Conclave-ah hian Myanmar leh Bangladesh atangin ambassador leh sumdawng (entrepreneurs) rual an lokal ang a, Central atangin DoNER Minister Pu B.K. Handque te, Minister of State for External Affairs Pu Shashi Tharoor te, Minister of State for Commerce & Industries Pu S. Scindia te bakah Asian Development Bank leh World Bank hotu, Director General of Foreign Trade te lokal tura beisei a ni.
Rampawn lam atanga entrepreneur lokalte leh Mizoram entrepreneur ten sumdawnna an tih ho theih dan tur zawnchhuah chu he Conclave thil tum a ni. Trade & Commerce Minister Pu Lalrinliana Sailo hova Vietnam Summit-a han kalte thawhrah niin Mizoram-in kan thenawm ram Myanmar leh Bangladesh nena insumdawn tawnna tha a thlen theih nan hma lak hmasak hi Minister duh dan a ni.
He Conclave buatsaih hi Indian Chamber of Commerce, Kolkata leh Trade & Commerce Deptt. ten bul an tum ang a, Mizoram Entrepreneurship Network ten an puibawm dawn a ni.
He meeting hi Indian Chamber of Commerce atanga organiser lokal Pi Shanti Sharma pawn a telpui a ni.
Rampawn lam atanga entrepreneur lokalte leh Mizoram entrepreneur ten sumdawnna an tih ho theih dan tur zawnchhuah chu he Conclave thil tum a ni. Trade & Commerce Minister Pu Lalrinliana Sailo hova Vietnam Summit-a han kalte thawhrah niin Mizoram-in kan thenawm ram Myanmar leh Bangladesh nena insumdawn tawnna tha a thlen theih nan hma lak hmasak hi Minister duh dan a ni.
He Conclave buatsaih hi Indian Chamber of Commerce, Kolkata leh Trade & Commerce Deptt. ten bul an tum ang a, Mizoram Entrepreneurship Network ten an puibawm dawn a ni.
He meeting hi Indian Chamber of Commerce atanga organiser lokal Pi Shanti Sharma pawn a telpui a ni.
