1665/2022-2023

Champhai, the 20th August, 2022: A bial fanga Champhaia cham mek Transport Minister, Pu T.J. Lalnuntluanga chuan vawiin chawhma khan Champhai Vengthar Tlangnuama Zomi Cultural Center dinna tur leh Sapthei sawngbawlna, Passion Fruit Processing Unit dinna tur New Champhaia Cold Storage Centre hmunhma a tlawh.

Minister Pu T.J. Lalnuntluanga chuan Mizoram Sawrkarin Champhai District leh Champhai khawpui hmasawnna tura hmachhawp hrang hrang a neih thu tarlangin, Champhai Vengthar Tlangnuama Zomi Cultural Center din a nih theih nan Planning & Programme Implementation Department kaltlangin NEC atanga cheng nuai 475 hmuh beisei a ni, a ti a. Sapthei sawngbawlna hmun tur Passion Fruit Processing Unit dinna atan hian Chief Minister hmalakpuinain NEC kaltlang bawkin cheng nuai 750 hmuh beisei a ni, a ti bawk.

Transport Minister hi Pu James Lalrinchhana, Deputy Commissioner Champhai; Pi B. Vanlalhruaii, EE, PWD Champhai Division; Pi R.Lalnunkimi, DTO Champhai, Official dangte leh khawtlang hruaituten an tawiawm a, Sawrkar hmalakna tur hmunhmate a enfiah hnuin Minister hian Aizawl a pan nghal a ni.