1666/2022-2023
Aizawl the 20th August, 2022 : Tukin dt 20.8.2022 hian Aizawl West Joint YMA ruahmannain bialtu MLA Pu Lalruatkima Minister hovin, Joint YMA field Vaivakawn chhehvela tuiluankawr leh bawhlawh paih dante an enfiah. Joint YMA field kianga tuiluankawr bawlhhlawhin a hnawhte enfiah a ni a. Bawlhhlawhin tuiluankawr a hnawhte thenfai a, a ṭul anga hmalak dan turte an sawiho a ni.
Hemi hnu hian Aizawl West Joint YMA Multipurpose Sport Complex Building-ah inkawmhona neih a ni a. He hun hi Pu Vanlalzuiliana Aizawl West Joint YMA President-in a kaihruai a ni.
He hunah hian Pu Lalruatkima I&PR Minister chuan thusawiin, "Bawlhhlawh paih chungchangah mimal tinte leh khawtlang kan ṭanrual a ngai hle a. State sorkar leh AMC-in bawlhhlawh paih dan tura a ruahman ang taka kan bawlhhlawhte kan paih ṭhin a pawimawh hle a ni," a ti. "Mizote hian fai kan tlin a, fai tur hian hausak emaw, lehkha thiam san emaw a ngai lova, a nihna ang tura bawlhhlawh paih mai kha a tawk a ni," a ti.
He inkhawmah hian bialtu MLA ni bawk Pu Lalruatkima chuan Aizawl West Joint YMA Multipurpose Sport Complex Building-a hman tur Table Tennis board pahnih Joint YMA kutah a hlan a ni.
He hunah hian Aizawl West Joint YMA hruaitute bakah an huam chhunga VC leh tlawmngai pawl hruaitute an tel a, Pu Lalfakzuala Chenkual, AMC Councillor a tel ve bawk a ni.
Attachment
- Loading attachment...
