Vawiin chawhnu khan Transport Department Consultative Committee chu Transport Minister Pu John Rotluangliana hovin a Office chamber-ah an thukhawm a. Life time vehicle motor tax hman chungchang leh a hma meeting-a an thurel thlir letna hun an hmang.

Pu John Rotluangliana chuan Vehicle lifetime tax rate thar chu February 8, 2016 atanga hman tan a nih thu sawiin, chhiah bituk tharah hian private motor, auto rickshaw, taxi leh maxicab te’n a tlem berah life-time tax kum sawmpanga chhung atan VAT chhut hma motor man atanga 6% pek vek tur a ni, a ti a. Mizorama lirthei permit pek dan leh Passengers & Goods tax rate kum sawmhnih panga (25) lai ennawn tawh loh chu tihdanglam hret hret a tul tawh thu a sawi bawk. Tuna chhiah chungchangah hian mipuite hrilhfiah tur tam tak a awm thei dawn bawk a ni, a ti.

Sawrkar laipuia Transport Development Council Meeting vawi 35-na thuchhuak angin life-time tax hi kum sawmpanga atana lak niin, chu mi dungzui chuan The Mizoram Motor Vehicle Taxation (Amendment) Act, 2015 chu Assembly-ah pass a ni a, motor registration leh road tax zawng zawng pawh computerized vek a nih tawh thu tarlan a ni.

Vehicle Lifetime tax rate thar chu hetiang hian chhut tur a ni:

A. Motor thar registration tih a nihin - motor man (VAT chhut hma) atanga zaa 6 zel

B. Motor hlui registration tawh chu a kum tam dan azirin motor man (VAT chhut hma) zaa 6 atanga percentage (clause A) chhutchhuah zat ang ang pek tur a ni.

Hetiangin:

1. Kum 2 aia upa lo a nih chuan - zaa 93

2. Kum 2 aia rei kum 3 aia upa lo - zaa 86

3. Kum 3 aia rei kum 4 aia upa lo - zaa 79

4. Kum 4 aia rei kum 5 aia upa lo - zaa 72

5. Kum 5 aia rei kum 6 aia upa lo - zaa 65

6. Kum 6 aia rei kum 7 aia upa lo - zaa 58

7. Kum 7 aia rei kum 8 aia upa lo - zaa 52

8. Kum 8 aia rei kum 9 aia upa lo - zaa 46

9. Kum 9 aia rei kum 10 aia upa lo - zaa 40

10. Kum 10 aia rei kum 11 aia upa lo - zaa 34

11. Kum 11 aia rei kum 12 aia upa lo - zaa 28

12. Kum 12 aia rei kum 13 aia upa lo - zaa 22

13. Kum 13 aia rei kum 14 aia upa lo - zaa 16

14. Kum 14 aia rei kum 15 aia upa lo - zaa 11

15. Kum 15 aia rei     - zaa 6     kum 5 atan

Entirna :      

Vehicle   Tax hlui Tax thar

Rodeo Scooty Rs 3,000.00 55,000X6/100= Rs 3.300.00

Maruti 800 Rs 11,250.00 3,00,000X6/100 = Rs 18,000.00

Taxi Rs 850X15= Rs 12,750.00 3,00,000X6/100 = Rs-18,00000

Maxicab Rs 2500X15= Rs 37,500.00      7,00,000X6/100 = Rs 42,000.00

Sawi fiahna:

* Maruti 800 thar, Rs 3,00,000/- man registration tih a nihin Lifetime tax atan Rs 18,000/- a ni ang.

* Maruti 800 tho kum 2 a upa, kum 3 aia upa lo, Lifetime tax la lak loh lei a nih chuan Rs 18,000 X 86/100 = Rs 15,480/- a ni ang.

PASSENGERS & GOODS TAX

Passengers & Goods Tax pawh kum 25 aia rei rate ngai hman a nih hnuin hetiang hian rate thar siam a ni bawk, hei pawh hi February 8, 2016 atanga hman tur a ni bawk. Hetiangin:

Hemi rual hian business dang; Agent Licence, Rent-a-Cab Scheme leh Carriage by Road Act, 2007 leh Rules, 2014 pawh computer hmanga implement nghal a ni.

Tin, Taxi, All Mizoram Permit pek a ni tawh lo ang a, local taxi, pawimawh bik avanga zin chhuak tur chuan Special Road Permit an dil thei ang. All Mizoram Maxicab Permit pawh a awm tawh lova, service route bik chauha tlan turin Permit pek an ni a, an specified route pawn lama tlan a tul a nih chuan Special Road Permit an la tawh ang.