Vawiin chawhma dar 10:00 khan Serkawn Middle School (Sikulpui) ramah Pu Pc. Lalthanliana Social Welafare Minister in Tribal Girls Hostel Rs.192.18 lakhs. senga saktur Lungphum a phum.

Pu Zosangliana DPC (SSA) Lunglei in inkhawm kaihruaiin Pu Pc Lalthanliana chuan thusawiin chhimlama Sikulpui hi zirna hmunpui a ni a, kum 113 a Upa July ni 3.1903 a Pu Buanga leh Sap upa in a din a ni a, Kan ram hruaitu pawimawh tak tak Pu Laldenga, Pu Brig. Thenphunga Sailo te lo zir chhuahna School niin an result te pawh tun thleng in an record entheih in a awm a ni. North East Consultancy Services leh Social Welfare Department inremna ziah leh thawhhona avangin Tribal Girls Hostel 15 sak nan Rs. 5016.76 lakhs. Central Sawrkar atangin hmuh a ni a. Heng Tribal Hostel 15 zing ah hian Serkawn (Sikulpui) ah hian Tribal Girls Hostel Building sak tur hi Central Sawrkar in a tum vek tur a ni a, he Hostel hi naupang ten an chhawr theih tura tih a ni.

Serkawn khawtlang hian Social Welfare Department a chhawr hle a, Lena Indoor Stadium sak mek te hi Social Welfare bul tum a ni a ti. Rotling thil kan nei tur hi lawmna chang hre turin a chah a ni. 14th. Finance Commission sum niin awmze nei tak a hman a ngai a, sum harsatna hi tun sawrkar hian a neilova, Kuthnathawktute tanpui na (NLUP) ah hian sawrkar hian harsatna a neilo a ti.

Tribal Girls Hostel Building hi 370 Sqm. a ni a. Naupang 40 leng tur a ruahman a ni. Basement ah Kitchen, Dining Hall, Toilet Block leh Ground Floor ah Study Hall, Dormitory A, Toilet Block, First Floor ah Dormitory B, Toilet Block leh ruahtui khawlna tur ruahman a ni.