Nimin chawhnu khan Pukpui HATIM ramah Tribal Girls Hostel sakna tur lungphum Social Welfare Minister Pu P.C. Lalthanliana’n a phum.

Hawnna thusawiin Minister chuan chhim lam tan ni chhinchhiah tlak tak a ni a, schedule tribes Girls Hostel sakna atan BCM hotuten ram zau tak phal taka an pek avangin lawmthu a sawi a . Northeast Consultancy Services chhimlam in kan la hriat loh ten schedule tribes Girls Hostel hi an sak sak dawn avangin lawmthu a sawi bawk. State sawrkar sum sen ngai lovin NECS leh Social Welfare Department te tang dunin Central sum hai luh dan ngaihtuah a, an remhriatna leh an thiamna te hmangin Mizoram sawrkar in asset tam tak kan neih phah a ni ati. Quality education tha kan neih theih nan Hostel tha kan mamawh a. Zirna hmunpui tha neih naah mihring sual leh changkang lo an awm ngai lo. Ram petu Pukpui khawtlang chungah a lawm hle bawk a, zirna hmun atan ram pe zel turin a ngen nghal ani. Mi thahnemngaite leh Pukpui khawtlangte inpekna avangin LAD Park tuna Laldenga Park tia thlak tak atana ram phal taka an pek hawn theih mai a awm ta hi a lawmawm hle a ni, ati bawk.Serkawn Melte rama cheng Vaibelchhe 24 senga sak tur Indoor stadium pawh Chief Minister in ni 24.9.2013 ah Lung a phum dawn a, a bial chhunga hmasawnna ropui tak tak hmuh tur a awm hi lawmawm a tih thu a sawi. Social Welfare department hmalakna te tarlang in hmalak mek leh hmachhawp neih te a sawi a, Nausen, hmeithai leh tar mai bakah mi awmtha duhlo te thlengin an enkawl thu a sawi. A sawi zel naah Minister chuan he hostel hi HATIM zirlai ten tangkai taka an hman ngei a beisei tak zet a ni.

BCM General Secretary, Pu H.Lianngaia pawhin thusawiin Mizoram sawrkarin nasa taka BCM a puih thin avangin lawmthu a sawi a, Kohhran in a tih theih loh mahse an it em em Schedule tribes Hostel an sak sak dawn avangin NECS chungah lawmthu a sawi bawk. HATIM hi Mizoram a kristian college awm chhun a ni a, result pawh tha tak a nei thin a ni, ati.

Pu Robert Romawia Royte, Chief Managing Director,NECS chuan report pe in he building sakna atana DPR hi Social Welfare Department, GOM leh Northeast Consultancy Services (NECS) thawhhona a siam a ni a.NECS staff ten ngawrh tak a siam in Central Ministry lam ah kumin May thla khan thawn thlak a ni a, kumin vek Ministry of Tribal Affairs, Govt. of India atanga sanction a ni.He building hi cheng 368 lakhs senga thla 18 chhunga sak zawh tur a ruahman a ni.NECS hian Social Welfare department kaltlangin Tribal Girls Hostel pasarih(7) a sa mek a ni.Inkhawm hi Pu K.Vanlalthiana, Settlement Officer in a kaihruai a ni.