Nimin ni 19 September, 2013 chawhnu khan Addl. DC Pu Andrew H.Vanlaldika Office chamber ah Lunglei District Level Cleanliness committee an thukhawm.

Pu Andrew H.Vanlaldika Addl. DC chuan kaihruaiin Secretary Pu R.L. Zidinga UD&PA chuan nikum lama an lo hman dan tlangpui report pe in kumin 2013 a faina week hman dan tur sawi ho nghal a ni a. Kumin October 2, 2013 zing dar 7:00 ah AIC Hall ah opening function hi hman a ni ang a, hetah hian Chairman atan Pu R.L Zidinga a ni ang a, hunserh Roman Catholic atangin, thusawi leh week hawnna Pu K.Lalthawmmawia, MCS , Director UD&PA a ni ang a, hawnna neih zawh hian SJSRY Training chhuakte Certificate semna neih a ni dawn bawk a ni.

Kumin faina hapta hmanna turah hian Lunglei khawpui chhung veng hrang hrang tan hian Rs. 1,20,000/- hmuh a ni a, Hnahthial khawpui tan Rs.50,000/- leh Tlabung leh a chhehvel tan hian Rs.30,000/- dawn a ni bawk. Kumin faina Hapta hman dan tur ah hian Office, Veng, School hrang hrangte leh Tea stall hrang hrang te pawh en dik a ni leh dawn bawk a ni. Heng bakah Lunglei chanchinbu nitin chhuak thinte chu uar zawk a faina lam hawi an chanchinbu a chhuah theihna turin Display Advertisement (half) an pe dawn bawk a ni.

Closing function hi ni 9-10-2013 ah Saikuti Hall ah hman a ni bawk dawn a ni. Khawtin leh veng tinte faina week hman chhung hian mahni veng leh khua theuh ah theih patawpa tanla theuh turin Lunglei district Cleanliness Level committee chuan a ngen nghal bawk a ni.