North Tripura Transit Camp paruk atanga Mizoram mi leh sa nikum 2019 Oct-Nov a hruailet te tanpuina tur, Sawrkar Lapui,Mizoram Sawrkar, Tripura Sawrkar leh MBDPF te'n inremna an lo siam tawh angin, chawmdawlna kum 2 chhung Term Deposit-a dahna Certicate chu Dr Lalrozama IAS, Mamit District Bawrhsap chuan anmahni awmna hmun khaw hrang hrangah kalchilhin nimin khan a hlan.

He Bank Term Deposit Certicate hian Rs 4 lack-a ken tel chu Mizoram Co-Operation Apex Bank ah dahsak an ni a, Reang (Bru) hruailet te hian inremna awmsa angin, Mizorama kum 3 an awm hnu-ah Pawisa hi an la chhuak thei dawn a ni.

Dr Lalrozama, District Bawrhsap chuan Tripura Transit Camp atanga Mizoram mi leh sa hruailette chhawmdawlna turin Sawrkar Laipui leh Mizoram Sawrkarin a tiam ang ngeiin, tanpuina awm theite pek hna an zawh thawkhat tawh thu a sawi a. Mizoramah rilru thlamuang taka awm turin leh an awmna khua theuhte nen in pawh tlang tak leh boruak tha tak an neih chu chhawm nung zel turin a chah bawk.

Nimin-a Bank Term Deposit Certificate hlante hi Bawrai-ah chhungkaw 16, Zamuang-ah chhungkaw 8, Rengdil chhungkaw 16 leh Sihthiang-ah chhungkaw 3 an ni a. 9th Batch Repatriation-a Mamit District chhung khaw hrang hranga, rawn let zawng zawng hi chhungkaw 199 niin, vawiin-a hlan bak chhungkaw 156 te hi remchang dangah hlan leh an ni ang.

Nimina Certificate hlanna hunah hian Pu Shashank Jaiswal, IPS SP Mamit bakah an awmna khua theuha khawtlang hruaitute te leh anmahni Bialtu AO te'n an tawiawm a ni.

Attachment

  • Loading attachment...