Tunlai chanchinbu leh social media hrang hranga Private Hospital-a thisen pek tur Hospital Blood Bank atanga lak chhuah chungchangah Private Hospital te hrekna ang rawngkaia thu leng vel hi Health Department chuan hetiang hian hrilhfiahna a siam.
Hun rei tak atanga kan lo kalpui thin thisen mamawhtuten Blood Bank atanga direct-a thisen an la chhuak mai thin hi thil him lo leh, mihring nunna hial atana thil pawi thei a nih avangin Health department chuan ngun taka a ngaihtuah hnuah hetiang hian kalphung thar siam a ni. He kalphung thar hian damlo thisen mamawhtute tan harsatna a siam loh mai bakah a him zawk a ni.
1) Civil Hospital Aizawl-ah :
Office hour hun chhungin: Medical Superintendent emaw, Deputy Medical Superintendent atangin phalna leh hriatpuina lak tur a ni.
Office Hour piah lamah leh Holiday-ah: Medical Officer, Casualty deptt. hnen atangin phalna leh hriatpuina lak tur a ni
2) Civil Hospital Lunglei-ah:
Office hour hun chhungin: Medical Superintendent hnen atangin phalna leh hriatpuina lak tur a ni
Office Hour piah lamah leh Holiday-ah: On call doctor emaw senior most doctor staff quarter-a awm hnen atangin phalna leh hriatpuina lak tur a ni.
3) State Referral Hospital, Falkawn: Office hour hun chhungin Medical Superintendent emaw, Deputy Medical Superintendent hnen atangin phalna leh hriatpuina lak chhuah tur a ni.
Office Hour piah lamah leh Holiday-ah: Medical Officer, Casualty deptt. hnen atangin phalna leh hriatpuina lak tur a ni.
4) District Hospitals te:
Office hour hun chhungin: Medical Superintendent hnen atangin phalna leh hriatpuina lak chhuah tur a ni.
Office hour piah lamah leh holiday-ah: On call doctor emaw senior most doctor staff quarter-a awm hnen atangin phalna leh hriatpuina lak tur a ni.
Hospital-a blood transfusion pe thei tur chuan Hospital (Govt leh Private) te hi Drugs and Cosmetic Act 1940 hnuaiah Blood Storage Centre-a pawmpui vek an nih a ngai a. Hetiang blood storage centre hi kan state-a private hospital tam zawk hian an nei lo a ni. Chuvangin inhriatthiamna in tuna kan kalphung ang hian kan kal rih mai zawk a ni.
Damlo thisen mamawhte tumah lo chiai lo turin Health Department chuan mipuite a hriattir a ni.
