Nimin 9th October 2012 khan T.T. Royte Group Sports, 2012 PUC Ground a neih chu Pu Lalrinliana Sailo, Labour & Employment Minister in hman puiin he company hnuai a thawk lai mi 400 chuang ten football, tug-of-war leh kabaddi-ah te inelna neiin an intihlim ani.
He sport kharna a khuallian Pu Lalrinliana Sailo, Labour & Employment Minister chuan sorkar in hnathawktute a ngaihpawimawh avangin construction hna a 1% chu labour cess atana lak ani a, cheng nuai 800 zet Mizoram Sawrkar in a khawl tawh thu a sawia, hnathawktute hamthat nan Sawrkar in ahman tur thu a sawi bawk.
He hun ah hian Minister chuan NECS-in abuatsaih ’Union Budget Kan Ta Series-III’ leh ‘Union Budget-a NE State te chanvo NECS Series III’chu tlangzarh in Sawrkar Department leh mipuiin an chhawr tangkai a beisei tuh a sawia, heng lehkhabu 2 hi compact disc(CD) a tlangzarh tel bawk ani.
Minister chuan T.T. Roy Group dintu Pu Robert Romawia Royte leh a thawhpuite NE State 3 a an hnathawh dan chu fakin, Office Staff, mistiri, drivers leh helpers te puala sport buatsaih chu lawmawm atih thu sawiin company kal zelna ah duhsakna ahlan bawk.
Khualzahawm Pu C. Lalthantluanga, Secretary Mizoram State Sport Council leh Dr. Tawnenga, Principal Pachhunga University College te chuan company hnuaia mistiri tha ber (Best Mistiri) leh Helper tha ber (Best Helper) thlanchhuahte hnenah lawman tangkafai hlanin,sporta titha te lawman an sem bawk.He hunah hian Pu Atiqur Rahman Barbhuiya,consultant NECS pawhin thu sawiin vai labour te chu Mizoram State ralmuang takah company ritlak,Central Sawrkar leh NE State dangte hriat hlawh em em hnuai a an thawk thei chu an vannei tih inhria a theihtawp chhuah turin a chah a,mi rinawmlo tan he company ah hian hmun a awmlo tih hre turin a hrilh bawk
