Aizawl, the 10^th October 2012 :  Zote South Branch YMA chuan an Branch din kum sawmngana (Golden Jubilee) chu October ni 8 leh 9 khan an lawm a, October ni 8-a Jubilee puala lawmna programme zan lamah Community Hall, Zote-a buatsaih chu LAD Minister leh bialtu MLA ni bawk Pu P C Lalthanlaina’n khuallian niin a hmanpui a ni. 

Pu P. C. Lalthanliana chuan Branch YMA Golden Jubilee lawmna programme a thu sawiin Zoram kalsiam innghahna ki pui pathum - Kohhran, Sawrkar leh NGO ah te hian YMA chu ki pakhat a ni, a ti a. Zoram hi YMA member te kutah thui tak a in nghat a ni tiin hausak san chi emaw, changkan san chi emaw a nih lo thu a sawi bawk a ni.

Jubilee lawmna, a ni hnihna October ni 9 a programme neih chu Parliamentary Secretary to Chief Minister Pu Lal Thanzara’n a hmanpui ve thung a ni.