Tualbung khua Saitual atanga 13 kms khua chuan karkalta inrinni khan khawtlang huap in sorkar thar lawmna hun an hmang a, he khua pian leh murna lama inzawmna thui tak nei Home Minister Pu R.Lalzirliana leh Deputy Speaker Pu John Rotluangliana a ten an hmanpui a, chawimawina an hlan. Bialtu MLA leh Parliamentary Secretary nibawk Pu Chawngtinthanga pawhin he hun hi a hmanpui. Lawmna inkhawm hi Community Hall ah hman a ni.
Home Minister Pu R. Lalzirliana chuan hetiang lawmna inkhawm buatsaih hi lawmawm a tiin ropui a tih thu a sawi a. Sawrkar thar in a ngaihpawimawh tur ruahmanna hrang hrang sawiin Minister chuan kan mamawhpui ber pakhat power (kawlphetha) ngaihpawimawh ber a ni ang a ti a. Duh duhin sawrkar nawr nana total bandh emaw kawngpui dan pin emaw an huaihawh thin hi mipui thlawpna nen huai takin kan hmachhawn zel anga hetiang huaihawt hi sawrkar tharah chuan a rem kan ti tawh dawn lo a ti bawk. Sawrkar hi dik taka an kal theih nan leh mipui huapzo sawrkar anih theih nan mipui tawiawmna a ngen a. Tualbung khua hi mi taima khua tiha hriat lar a nih angin hei hi hi humhalh zui zel turin Minister chuan a chah.
Deputy Speaker Pu John Rotluangliana chuan kan ram siam tha tur hian sawrkar hnathawkte hi rinawm leh dik taka thawk theuh turin leh mipuite pawhin tawiawm tha turin a ngen a. Kan thinlungah kan ram siam tha turin ngaihtuahna thar hmang turin leh sawrkar thar tlinlohna emaw fel lohna a finchhuah zel turin a chah a. NLUP chungchang sawilangin a tum ber chu a thlawna pawisa sem nilovin thawhrim leh taimak atanga hlawhtlin zirchhuah a ni zawk a ni Deputy Speaker chuan a ti.
He hun a thu sawi ve tu Parliamentary Secretary Pu Chawngtinthanga pawhin sawrkarin rethei chhanchhuahna leh hmasawmna tur hmachawp engemawzat a neihte hi a hlawhtlinna tak tak chu mipuite tawiawmna a ni ati a.
Pu R.Lalzirliana hi a thiannu Pi Lalthangmawii leh Pu Chawngtinthanga hi a thiannu Pi Zohlimi ten an tawiawm. Lawmna inkhawm hi Pu Chawngdinga, Chairman Organising Committee in a kaihruai a ni.
Deputy Speaker Pu John Rotluangliana chuan kan ram siam tha tur hian sawrkar hnathawkte hi rinawm leh dik taka thawk theuh turin leh mipuite pawhin tawiawm tha turin a ngen a. Kan thinlungah kan ram siam tha turin ngaihtuahna thar hmang turin leh sawrkar thar tlinlohna emaw fel lohna a finchhuah zel turin a chah a. NLUP chungchang sawilangin a tum ber chu a thlawna pawisa sem nilovin thawhrim leh taimak atanga hlawhtlin zirchhuah a ni zawk a ni Deputy Speaker chuan a ti.
He hun a thu sawi ve tu Parliamentary Secretary Pu Chawngtinthanga pawhin sawrkarin rethei chhanchhuahna leh hmasawmna tur hmachawp engemawzat a neihte hi a hlawhtlinna tak tak chu mipuite tawiawmna a ni ati a.
Pu R.Lalzirliana hi a thiannu Pi Lalthangmawii leh Pu Chawngtinthanga hi a thiannu Pi Zohlimi ten an tawiawm. Lawmna inkhawm hi Pu Chawngdinga, Chairman Organising Committee in a kaihruai a ni.
