Food, Civil supplies & Consumer Affairs leh Environment & Forest Minister Pu H. Rohluna chuan nimin zing khan Kawlbem, Teikhang leh Hrianhmun tlawhin tlai dar 4:30 khan Mimbung khua lutin vantlang inkhawm-ah a tel.

Minister chuan thu sawiin tun sorkar thar chuan dikna leh rinawmna nen hna a thawh dawn avangin mipuite pawh sorkar hmalakna hrang hrang chu thlawp zel turin a chah a. Leiva Mini Hydel Project tih thin tuna Kawlbem Mini Hydel Hydel Project tia thlak pawh hun reilotea siam thata hna chhunzawm leh mai theihin ruahmanna peih fel tawh a ni, a ti. Minister chuan khaw tinah amah hmuaktu mipuite chu ram kang veng turin a hrilh zel a, thingphun belh a theih loh pawhin a awm sa te chu humhalh hram hram turin a chah bawk.

Vawiin khan Minister chuan N.E. Khawdungsei, Chiahpui leh Khawkawn te tlawh lehin Ngopaah a riak dawn a ni.