Vawiin ni 30.1.2009 hian Health Minister Pu Lalrinliana Sailo chu, State Health Minister meeting, Ashoka Hotel, New Delhi a neih ah telin thu a sawi. He hun hi Union Health Minister Dr.Ramadoss in a ho a ni.
Pu Lalrinliana Sailo chuan thu sawiin Mizoramah Cancer vei kan taM thu leh a inenkawlna tha kan mamawh thu te sawiin, a rang lama Mizorama Cancer hemna khawl tha zawk leh inenkawlna changtlung zawk kan mamawh thu te, Referral Hospital, chawlhsan lailawk pawh, a puitlin ngei theihna tura hmalak vat a tul thu te a sawi a. Mizoramah Medical College kan la neih loh thu leh kan neih ve ngei theihna tura chak zawk a hmalak a ngaih thu te, thingtlang hmun kilkhawr zawka cheng te’n an tangkai pui em em, Sub-Center pawh tunaia tam zawk kan mamawh thu te a sawi a. Union Health Minister hian, Mizoram Health Minister thusawite hi ngun taka lo ngaihthlak sakin, hengte hi a puitlin ngei theihna turin chak zawka hma lo lak pui a tum thu a sawi a ni.
Health Minister hian a cham chhung hian Central lama hotute hnenah Mizoram mamawh hrang hrangte a thlen nghal a, ngaihsak alo hlawh hle a ni. Health Minister zin hi Dr.N.Pallai, Director of Health Services, Dr.D.Baruah, Director, Hospital and Medical Education leh Dr. Jane R.Ralte, OSD (Health) ten an tawiawm a ni.
Health Minister hian a cham chhung hian Central lama hotute hnenah Mizoram mamawh hrang hrangte a thlen nghal a, ngaihsak alo hlawh hle a ni. Health Minister zin hi Dr.N.Pallai, Director of Health Services, Dr.D.Baruah, Director, Hospital and Medical Education leh Dr. Jane R.Ralte, OSD (Health) ten an tawiawm a ni.
