Nimin khan Pu Lalrinliana Sailo, Health Minister leh Pu J.H. Rothuama, Revenue Minister ten Champhai an tlawh a. Tourist Lodge-ah Champhai DC Pu T.V. Fambawl hovin officer thahnem tak leh khawtlang hruaituten an lo hmuak a ni.
Pu J.H. Rothuama, Revenue Minister hian Greater Champhai Water Supply Scheme, Tupui kama Pump House te a tlawh a, helai pump house a hnathawk ten an hnathawh dan tlangpui Minister hi an lo hrilhfiah a ni. Minister hi Addl. DC Pu A. Biaklawma leh sorkar official te bakah PHE Deptt. hotuten an tawiawm a ni. Minister chuan harsatna an tawhte chu ziaka a hnena thlen turin a hrilh bawk a ni.
Tukin zing dar 7 khan Minister pahnihte hian Champhai Hospital a hmunah an tlawh a. Hetah hian Pu Lalrinliana chuan Damdawiin sak that anih tur thu leh a hmun ngaiah tho sak anih tur thu sawiin Doctor leh Nurse leh damdawiin a thawkte biak hrehawm leh vin taka an awm thin chu ramhlui zia a ni tiin tunlai khawvel changkang chho zelah mi puitling chinin an ching ngai tawh lo tiin hnathawktu chu dik lo taka hek an nih chuan chhan an ni ang a, an lo dik lo ngei a nih erawh chuan tumah dim an ni lovang, a ti. Medical Officer ten damdawi expired tep tawh lei awih a nih loh thu leh a leitu leh a supply tu chu an chungah action lak mai tur a ni, tiin mipuite hriselna chu an ngaih pawimawh ber a ni a, a bik takin nu naupai, nau chunga thi phei chu a thinrim thlak a, mawhphurtute chungah action kan la ngei ang a ti bawk. AIDS natna chungchang pawh sawiin Health Minister chuan he natna hian Mizoram min run mek avangin mitin fimkhur a tul thu leh tanlak a ngaih thu uar takin a sawi.
Pu J.H. Rothuama pawhin thu sawiin Doctor te chu thiam hle mahse hmanrua a that a pawimawh in a tul em em a ti a. Helai bialtu anih angin a tul leh buaipui ngai chu tih zel a tum thu sawiin mihring nunna enkawltu an nih avangin hnathawktute chu kawng hrang hrangah tih tak zeta thawk turin a chah a ni.
Hemi hnu hian Champhai Market Building fankual nghal a ni a. Trade & Commerce Office pawh tlawh nghal niin hnathawktute harsatna pawh hmalak pui nghal an tum thu an sawi.
Tukthuan eikhamah Pu J.H. Rothuama hi Hnahlan lam fangkual leh turin a chhuak leh nghal a. Pu Lalrinliana erawh chu Zokhawthar leh Melbuk lamah Border Trade Development enfiah turin a chhuak ve thung a ni. Zanin ah Champhai ah riakin naktuk ah Aizawl lam panin Minister pahnihte leh an mahni zuitute hian Champhai an chhuahsan ang.
Tukin zing dar 7 khan Minister pahnihte hian Champhai Hospital a hmunah an tlawh a. Hetah hian Pu Lalrinliana chuan Damdawiin sak that anih tur thu leh a hmun ngaiah tho sak anih tur thu sawiin Doctor leh Nurse leh damdawiin a thawkte biak hrehawm leh vin taka an awm thin chu ramhlui zia a ni tiin tunlai khawvel changkang chho zelah mi puitling chinin an ching ngai tawh lo tiin hnathawktu chu dik lo taka hek an nih chuan chhan an ni ang a, an lo dik lo ngei a nih erawh chuan tumah dim an ni lovang, a ti. Medical Officer ten damdawi expired tep tawh lei awih a nih loh thu leh a leitu leh a supply tu chu an chungah action lak mai tur a ni, tiin mipuite hriselna chu an ngaih pawimawh ber a ni a, a bik takin nu naupai, nau chunga thi phei chu a thinrim thlak a, mawhphurtute chungah action kan la ngei ang a ti bawk. AIDS natna chungchang pawh sawiin Health Minister chuan he natna hian Mizoram min run mek avangin mitin fimkhur a tul thu leh tanlak a ngaih thu uar takin a sawi.
Pu J.H. Rothuama pawhin thu sawiin Doctor te chu thiam hle mahse hmanrua a that a pawimawh in a tul em em a ti a. Helai bialtu anih angin a tul leh buaipui ngai chu tih zel a tum thu sawiin mihring nunna enkawltu an nih avangin hnathawktute chu kawng hrang hrangah tih tak zeta thawk turin a chah a ni.
Hemi hnu hian Champhai Market Building fankual nghal a ni a. Trade & Commerce Office pawh tlawh nghal niin hnathawktute harsatna pawh hmalak pui nghal an tum thu an sawi.
Tukthuan eikhamah Pu J.H. Rothuama hi Hnahlan lam fangkual leh turin a chhuak leh nghal a. Pu Lalrinliana erawh chu Zokhawthar leh Melbuk lamah Border Trade Development enfiah turin a chhuak ve thung a ni. Zanin ah Champhai ah riakin naktuk ah Aizawl lam panin Minister pahnihte leh an mahni zuitute hian Champhai an chhuahsan ang.
