4875/2025-2026

Khawzawl, dated 17th March 2026 : Vawiin khan Tualte khua chuan an khaw tui lak lawmna leh inhlanna (Handing Over) Jal Arpan Diwas hman a ni. Pu Lalchhanchhuaha VCP & WATSAN Chairman in kaihruaiin, Pi Lallawmzuali, District Agriculture Officer (DAO) leh DWSM Member ni bawk chu Khuallian a ni.

He hunah hian Er. Freddy Vanlalmuanawma SDO, PHED Chuan Technical report pe in, Tualte ah hian NABARD RIDF hnuaia Solar Pumping hna thawh a ni a, Bunglui leh Kawrmang tui te pump niin 500 metre a sang chu stage 2 a pump chhuah a ni. JJM hnuaiah Tualte khua hian tui connection a thlawnin 221 pek a ni a, Tualte khua hi Har Ghar Jal Village a puan tawh a ni. Financial year 2025-2026 atan Jal Seva Ankalaan Assessment lak tawh niin, Jal Seeva Ankalaan Citizen Feedback pawh mi engemaw zatin an ti tawh bawk.

Khuallian Pi Lallawmzuali chuan thu sawiin hmasawnna hnathawh a nih hian ram alo chereu a, tuihna alo kangchat a, sik leh sa a inthlak ta thin tih a sawi a. Mihring te innghahna lian ber chu Agriculture a ni a, India ram mipui 70% aia tam te ei bar zawnna chu agriculture a ni tih sawiin tui hi a pawimawh em em a, tui tello in thlai a thar theih loh tih a sawi a. Ramngaw kan thiah hian a let 28 in lei hanna a ti tla hniam a, a let 17 in leilung a luangral chak zawk a ni tih a sawi a. Mizoram a kumtin ram ngaw thiat a, tlangram lo neih hian tuihna a ti kangchat rang em em a ni tih sawiin India Sorkar leh state sorkar pawhin tui a ngaih pawimawh vangin he thil hlu tak hi khawtlangin lo vawng tha turin a chah a ni.

Chairman kaihhruainain kalkhawm ten tui hna humhalh leh Tui lak enkawl chungchang thutiam an la a, Pu C. Malsawmdawngkima, Secretary, WATSAN Committee Tualte, chuan lawmthu sawina a nei bawk.