2203/2025-2026

Siaha the 13th November 2025: Siaha District Magistrate Pu VL Hruaizela Khiangte chuan a hnuaia tarlan ang hian tui hri leng chungchangah mipuite zawm atan hriattirna a chhuah.

ORDER

Tunlai hian Siaha District huam chhunga khaw thenkhat, Lomasu leh Lodaw khaw chhungah Tui-hri nia hriat inkai chhawn awlsam tak natna a leng mek nia hriat a ni. He hri hi mihring hriselna leh nunna atan pawh a hlauhawm hle a. He hri leng mek hi kan ei leh in thianghlim lo leh hmun dang atanga mihring vei vak leh khualzin miten an put darh a ni ber a, kan District chhunga mipui mi mirte'n he hri hlauhawm tak atanga kan lo him zawk nan khuah khirhna dan leh thupek chhuah a tulin ka hria a.

Chuvangin, kei, VL. HRUAIZELA KHIANGTE, DISTRICT MAGISTRATE, SIAHA DISTRICT, hian Epidemic Diseases Act, 1897, Section 2 leh Section 163 Bharatiya Nagarik Suraksha Sanhita, 2023 (BNSS)-in thuneihna min pek angin hetiang hian thupek ka chhuah e.

1. Lodaw leh Lomasu ram chhungah mi tumah India ram ri kâna luh phal a ni lo.

2. Lodaw leh Lomasu khaw mipuite khaw danga zin chhuah khap tlat a ni.

3. Khual khua atangin Lodaw leh Lomasu-ah tumah luh phal a ni lo.

A chunga khuahkhirhnate hian medical duty, security duty leh District magistrate hriatpuinaa emergency thila lut leh chhuakte a huam lo vang.

He thu zawm lote chu Section 223, Bharatiya Nyaya Sanhita (BNS), 2023 hmangin na taka hrem theih an ni.

He thupek hian November 13 - 20, 2025 thleng a huam ang.

He thupek hi vawiin November 13, 2025 hian District Magistrate Seal-a nem nghetin hming ka ziah hnan e.

DC Siaha - Order.pdf