Vawiin chawhnu khan PHE Minister Pu Zodintluanga office chamber ah Consumers Union hruaitute leh PHE hotuten PHE Minister hovin inkawm khawmna hun an hmang.

He hunah hian PHE Minister chuan Consumer Union hruaitute chu mipui tana hna an thawhna kawnga an thahnemngaihna chu a fak a, PHED in mipui hnena tui a sem chungchangah leh a man tihpun chungchanga Consumer Union hruaitute nena thu inhmu rem taka an thawk ho thei chu lawmawm a tih thu a sawi a. Minister Pu Zodintluanga chuan tui bill dik lo chungchangah mipuiin complaint an thehluh in bill pek fel phawt a chinfel ngai thin chu tihtawp a nih thu Consumer Union hruaitute a hrilh bawk a ni.

Vawiin inkawm khawmna ah hian Consumer hruaitute leh PHED hotute chuan tui sem rualkhai taka kalpui a nih theih nan tuisemtu tha chu chawimawi a lawmman pawh siam sak nise tiin an rel a. A thlan dan tur chu Consumer Union hruaitute leh PHED hotute in berawn in ruahmanna an siam dawn a ni.

Inkawm khawmna ah hian Minister hi Pu R. Lalfanliana, Engineer-in-Chief PHED leh officer dangten an tawiawm a ni.

Attachment

  • Loading attachment...