Vawiin hian Public Health Engineering Department hnuaia Communication & Capacity Development Unit (CCDU) buatsaihin “Support Activities and Water Quality Monitoring & Surveillance Programme” tih hmangin Serchhip District chhung tlawmngai pawl hrang hrang tan Workshop cum Training an nei.
Serchhip Auditorium-a Workshop cum Training buatsaihhi Er. H. Lalduhkima, Director, CCDU in a kaihruai a. Tui in tur chungchanga Mizoram dinhmun tlangpui sawiin Mizoram khua awm atanga za zela 25 chuan tui khamkhawp an la neih loh thu a sawi a, sawrkar in tuilak hna chu thawk thei mahse tui hnar tha a awm siloh chuan a tihngaihna a awm chuang lova, tui hnianghnar taka neih zel theih nan kan zavaiin mawh kan phur a ni, a ti.
Vawiina workshop ah hian PHE Department mithiam hrang hrangten tui nihphung leh tui thianghlim leh thianghlim loh chungchanga hriattur pawmawhte zirtirna hun an hmang a, tui leh hriselna inkungkaih dante, ramngaw leh tuihna inkungkaih dante an sawifiah a ni. Tin, mahni khaw tui tlan lai theuhte a thianghlim leh thianghlim loh test tir fo a tul ziate zirho niin zawhna leh chhanna hun te, sawihona hun te hman zui a ni.
Vawiina Workshop cum Training on - Support Activities and Water Quality Monitoring & Surveillance Programme-ah hian Serchhip khawpui chhung a NGO hrang hrang aiawhte bakah District chhung khaw hrang hrang 35 atangin Water & Sanitation Committee member mi 100 chuang an tel thei a ni.
