686/2026-2027

Lawngtlai, 23rd May 2026 : Tuialhthei inrenchem chungchangah a hnuaia mi ang hian Lawngtlai Bawrhsap chuan thuchhuah a siam.

                                                                                        ORDER

No.J.11013/1/2026- DC(LTI): Tunlaiin West Asia ram boruak enin leh Mizoram Sawrkar thuchhuah No. C.1315/2/2025 - ESTT- GAD Dt.19.05.26 angin tuialhthei inremchen ngaiin kan District ah pawh hmalak na heti zawnga kalpui a lo ngai ta ani.

Chuvangin, Kei Donny Lalruatsanga, MCS, District Magistrate hian Bharatiya Nagarik Suraksha Sanhita, 2023 (BNSS), Section 163 in thuneihna min pek angin he khapna thupek hi ka chhuah e.

1. Lawngtlai District chhunga Filling Station tin ten, Sawrkar in man (rate) a bithliah aia sang (Black Marketing) in Tuialhthei (Petrol leh Diesel) an hralh tur a ni lo.

2. Lawngtlai District chhunga Filling Station tin ten mipui nawlpui, license kher ngailo tan nikhatah Petrol litres 30 leh Diesel litres 1000(a burin) an pe chhuak tur a ni.

3. Tuialhthei (Petrol leh Diesel) te hi kan thenawm ram Myanmar leh ram dangah sumdawnna kaihhnawih thilah hralh leh pek chhawn khap tlat a ni. Hei hian a bik taka permit pek a huam lovang.

4. Lawngtlai District chhunga dan lova tuialhthei lei leh phur khap tlat a ni.

He thupek zawm lo chu Section. 223 of Bharatiya Nyaya Sanhita (BNS) hmangin hrem theih an ni.

He thupek hian Lawngtlai District pum a huam anga, thu leh awm hma chu tihchhuah anih atang thlahnih(2) chhung a huam ang.

He thupek hi vawiin Dt.22.05.2026 hian District Magistrate Seal- a nemnghetin hming ka ziah hnan e.

Sd/- 

DONNY LALRUATSANGA

District Magistrate

Lawngtlai District, Lawngtlai