Tuichang Lei hi kum 1982-a siam niin Built-up Steel Girder Bridge a ni a. Lei hi hlui tawhin a chak tawh loh avangin thlak tura ruahman a ni a. Lei thar hi PSC Girder Bridge-a dawh tum niin Lei awm lai thlang lamah dawh tura ruahman a ni. Hna hi M/S Sadguru Engineers & Allied Services Pvt. Ltd. hnenah pek niin Rs 7.51 crore man a ni.

Hna hi December ni 1, 2016-ah tan niin December 2018 ah zawh tum a ni a. Artahkawn lam kama foundation chu zawhfel tep a ni a, Keitum lama foundation laih chu kum 2011-a Lei dawhna tura foundation atana cement concrete lo chhun tawh chu laihchhuah vek a tul avangin hun a duh rei deuh a, la laih zawh loh a ni. Kumin ruahsur nasa avanga tui lian leh lei tawlhin foundation siamsa chu a tichhe nual a, hei hi siamthat leh mek a ni bawk. A foundation innghahna leilung hi load la tura a chak dan (Soil Bearing Capacity) test a tul a, hei hi tui kam hunah lo chuan a test theih loh avangin hna a timuang bawk a ni. Tuichang lei dawh hi a huna zo turin hma lak mek zel a ni.