4512/2024-2025

Dated Hnahthial, the 3rd March, 2025: Vawiin chawhnu khan Hnahthial District Fisheries Development Officer (DFDO), Pu George Lalnuntluanga hovin a thawhpuite leh Chanmari Branch YMA Luidung Humhal Committee Duty te chuan dan lova sangha man, a rep kg sawm pathum (13kg) a rit leh a neitu mi pahnih te chu an man a. Heng sanghate hi Tuichang lui ami man niin dan angin an chungah action lak a nih tur thu DFDO chuan a sawi.

DFDO Pu George Lalnuntluanga chuan an mi mante hi Hnahthial, Electric Veng a mi- Pc Lalpekhlua, Pc Vanlalliana fapa leh Lalremruata, Lalzarliana fapate an nih thu a sawi a. An sangha rep man te hi DFDO Office-ah buk niin kg sawmthum (13kg) a rit a ni a. Hei hi tualchhung hralhna rate chuan cheng sing hnih (Rs. 20,000) man vel a nih an rin thu a sawi. 

DFDO, Pu George Lalnuntluanga chuan, "Mizoram Sawrkar-in kan ram luidung nungchate an chereu nasat tawh em avangin nasa takin humhalh hna a thawk mêk zel a. YMA-te kutke berah hmangin ngawrh takin humhalh hna hi a kalpui mek a. Mipuite chu dan phalloh hmanga kan ram luidung nungchate sawisa lo tur leh Department hnen atanga License siamtir ngei turin kan inhriattir nawn leh a. License tello hian khawilaiah mah luia nungcha man, tihbuai leh thah hi dan in a phal lo bur tih kan inhriatttir nawn leh a ni" a ti.