Vawiin khan Divisional Horticulture Office, Tuidam Division bultumin Horticulture Conference Hall, Tuidam-ah thingfanghma chin dan in zirtirna neih a ni.

He hun kaihruaitu Pu T. Vanlaltlana, Divisional Horticulture Officer, chuan Mamit District chu India rama District hnufual chawikan ngai zinga tel kan nih angin Sawrkar laipui atangin kan hnufualna leh chawikan kan ngaihna tur hrang hrangah te hmalak chho mek zel a ni tiin thei phun tama ei tam chu mihring tan hriselna a ni a, mipui kan lo hrisel chu sawrkar laipui duhdan anih angin thlai phun dan dik leh eitur thlan kawngah leh a eidan kan hriat thar chu a tul hle a ni a ti.  Tuidam khua huan neitute chu mithiam zawkten an zirtirna uluk taka ngaithla-a training turin a chah a ni.

Vawiin training ah hian Pu C. Lalduhzuala Colney, M.sc(Agri) leh Pi F. Lalrinpuii, M.Sc (Horti) Horticulture Extention Officer te chuan Nutritional value of fruits and its impact on human diet leh Production Technology of Papaya tih hmangin power point presentation an pe a, thingfanghma phun dan tur hi Horticulture Complex ah hian practical training neih chhunzawm a ni bawk.

Trainingah hian Tuidam khua huanneitu mi 100 an tel a, Traininga kalte tan hian thingfanghma 500 sem ral a ni.