Vawiin khan Champhai Venglai Community Hall-ah CYMA leh PHED tangkawpin Tuihna Humhalh Beihpui hun hman tan niin,  Transport Minister Pu PC Zoram Sanglaiana'n a hmanpui.

He beihpui tanna ah hian Pu PC Zoram Sangliana chuan Tui hi nunna bul pakhat anih avangin, kan nitin nuna tui mamawhna sang chho zel ah kanmamawh phuhru turin a cheng a ten tuihna humhalh leh tihpun hi kan tih tur leh mawhphurhna a ni, a ti.

Mizote hi tuiah kan intodelh tawh loh vangin tui hi tunlaia sumdawnna hlawber pakhat a ni a,  ram thenkhat in an tawh mek tui avanga veng leh veng,  khua leh khua, ram leh ram an innghirhona leh inhmuh mawhna hi Mizoramah a thlen ve lohna turin tuihna humhalh tura ram mipuiin kan tih ve tur,  tuihna siamtu ramngaw humhalh leh a awmsa ven him hi a ni a,  khawtinin tui a intodelh lohna chhan hi tuihna siamtu kan suat mang nasat vang a ni a, Tuihna siamtu leh tui chelh dingtu ramngaw kan tukrem vangin furah chhiatna tam tak kan tawh phah a,  thalah tuihna kang vangin (tui neih loh vangin) harsatna namen lo kan tawh phah bawk thin a ni, a ti.

Fur leh thal ah kanram luitui dinhmun a inthlak danglam nasat luat avanga kan mithiamten tehna leh chhinchhiahna mumal tak nei thei lova an awm mek laia CYMA leh PHED tangkawpten ruahmanna tha taksiama,  ram intodelh kannihna tura tuihna ti pung tur leh humhalhna beihpui thlak alo ni ta hi lawmawm ati tih tarlangin, (Champhai District) Sub-Hqrs. YMA Champhai huamchhungah hlawhtling taka kalpui anih theih nan he beihpui thlakna hi a Minister chuan a hawng.

He Tuihna Humhalh Beihpui  thlakna hi Sub-Hqrs. YMA Champhai President, Pu P.C Zohlira'n kaihruaiin, Khual zahawm Champhai North Bialtu MLA Pu T T Zothansanga,  PHED Engineer In Chief  Er. R. Lalfanliana,  CYMA Finance Secretary Pu J. Lalsailova ten thu an sawi a,  PHED Joint Secretary  Er. C. Lallungmuana chawhma hun kharna leh lawmthu sawina a nei.

Chawhnu hunah hian PHE Department atanga mithiam bikten Tuihna Humhalhna kawnga tih koritu zawk a hmalak dan tur kawng hrang hrang,  sorkar leh khawtlang hruaitute, mipui leh mimal hmalakna turte,  Sub-Hqrs. YMA Champhai huamchhunga Group leh Branch hruaitute leh khawtlang hruaitu kalkhawmte zirtirna an pe anih bakah India President hlui Abdul Kalama Lehkha thawn (kum 2070 awmdawn tura thlir lawkna) chu a lem nen ngaihthlak a ni bawk.