SIPMIU (NERCCDIP) Aizawl ten Tuikhuahtlang tlangzawl leh Forest Office inkar kawngpui dungah tui Pipe lian phum hna 10^th – 18^th May 2017 chhun leh zan ah an thawh dawn avanga Public Notice lo chhuah tawh chu an thawh zawh hman loh avangin helai kawngpuiah hian 24^th May 2017 thleng lirthei eng chi mah tlan phal a ni lo. Hemi anih avang hian Tuikhuahtlang chhip area atanga lirthei kal chhuak tur leh pan tur lirthei kal dan tur hetiang hian ruahmanna siam a ni. 

Tuikhuahtlang chhip area atanga kalchhuak tur leh pan tur tan kawng awm chhun Sikulpuikawn, Govt. Aizawl College bul Republic Road chung ami chauh anih avangin helai kawng sir tawn tawnah lirthei eng chi mah dah/park phal a ni lo. Helai kawng hi a len loh avangin lirthei te chi chauh tlan phal rih a ni a, lirthei lian MMV leh a chung lam tan kal phal a ni rih lo. 

He thupek hian chhiatrupna thil kangmei leh emergency kaihhnawiha duty leh Dan leh thupek pawimawh bika duty te chetvelna a huam lo ang. 

He thupek hi a tul dan a zirin Traffic Police ten an ti danglam thei ang. 

He thupek hian 24^th May 2017 thleng a huam ang.