Tuikual ‘S’ YMA Silver Jubilee leh an branch YMA Night chu Parliamentary Secretary to Chief Minister Pu Lal Thanzara hovin nizan khan Tuikual ‘S’ YMA Hall-ah an hmang.

Pu Lal Thanzara chuan YMA chu Pathian rawn chunga din a nih avangin Pathianin a veng tlat a ni, a ti a. YMA chuan ruihhlo dona kawngah nasa takin tha a thawh a, ruihhlo ngaite chhawmdawlin, Gospel Camping-ah te an dah thin avang hian Mizo thalai tam tak ten nun kawng dik zawk an zawh phah mek a ni, a ti. Parliamentary Secretary chuan sorkar chu mipuite siam a ni tih hrereng tura chahin inthlan a hnai ta tih avanga kawng chi hrang hranga sorkar nawr chiam chiam chu thil tha a ni lo, a ti a. Awlsam taka sum hmuh theihna leh sorkar phalloh thil tihluih lak atanga inthiarfihlim turin mipuite a sawm a ni.