3016/2024-2025

AIZAWL; the 14th November, 2024: Tukin chawhma dar 10:00Am khan Mizoram District dang te rualin Aizawl district-ah pawh National Disaster Management Authority (NDMA), Mizoram State Disaster Management Authority (MSDMA) leh Aizawl District Disaster Management Authority (ADDMA) te tangkawp chuan Tuilian leh Leimin avanga Aizawl District-a chhiatrupna a lo thlen thulha chet lak dan tur enchhinna (Mock Drill on Flood and Landslide Disaster in Aizawl district) a buatsaih a.

He Mock drill-ah hian hetiang hian chhiatna a thleng a ni:

Chhiatrupna hi ruahpui vanawn sur in a thlen niin, he ruahpui vanawn sur hian Sairang/Tlawng tui ti lianin,chu chuan lawng 5 ti chhiain,  chenna in 7 a tihchhiat bakah Tui Pipe line te leh inbiakpawhna (Landline leh Mobile) tichhiain, power supply a tichhe bawk a ni. He tuilian avang hian nunna chan mi 2 an awm a, mi 12 chhanchhuah ngaiin an tangkhang bawk a ni. 

Ruahpui vanawn sur hian Vaivakawn Zohnuaiah leimin thlenin, Chenna in 4 a tichhiain, Vaivakawn leh Ropaibawk inkar kawngpui a hnawhping bawk. tui pipe line te a tichhiat bakah inbiak pawhna (landline leh Mobile) pawh a ti chhe bawk a ni. Leimin hian  chenna in 4 hnawlin mi 2 in nunna chanin, mi 8 an inhliam bawk.

Leimin hian 7th Day Hospital-ah short circuit siamin, chu chuan kangmei a tichhuak a, nunna chan 2 leh hliam tuar 8 an awm bawk.

Zing dar 10:00 ah chhiatna a thleng tih hriattirna Disaster Siren hmun li: District Emergency Operation Centre (DEOC), Sairang, Vaivakawn Zohnuai leh 7th Day Hospital-ah te  tihrik a ni a, Mega Mock Drill hi tan nghal a ni. Mock Drill-ah hian Sairang tuilian a vanga chhiatna thleng laka chet lak dan tur te, Vaivakawn Zohnuai leimin a chet lak dan tur te, 7th Day Hospital-a kangmei chhuak a chet lak dan tur te Mock drill-ah hian tihchhin a ni.  Mock Drill hi 10:00Am-2:2:00Pm inkarah zawh fel a ni.

He Mock Drill-ah hian 7th Day hospital, Civil Hospital Aizawl, Kulikawn Hospital, PHC Sairang, Police, MPRO, PWD, P&E, PHED, FCS&CA,I&PR, Transport Dept., Traffic, NIC, NDRF, QRT, 5th  IR SDRF,23rd AR,MRHG,1st MAP leh 3rd MAP SDRF,F&ES, CDRT leh VLDMC Sairang ten mawhphurhna chanvo hrang hrang insemin, a  tak ang thei ber turin chhiatna thleng lem (Mock Drill) hi an kalpui a ni.

Mock Drill chhung zawng hian ADDMA chairman leh district bawrhsap nib awk  Er.Lalhriatpuia, IAS hovin ADDMA  member  ten DEOC an vil a ni.