Aizawl District Fire Prevention Committee hmalakna kal zelah Group No 10 na ten vawiin chawhnu dar 1 khan Tuirial Community Hall-ah Fire Prevention Awareness Campaign beihpui an thlak leh a; mipui pawh an kal tha hle.
He Campaign ah hian Tuirial VCP Pu Thanglianan inkhawm a kaihruai a, hunserh Upa Lalzawmliana a hmang a. Team Leader Pu R.Lalhlira EE PWD in thusawiin kangmei avang a kumtina kan ramin chhiatna a tawh nasat em avangin Sorkarin a ngai pawimawh tak zet a, chuvang chuan Mizoram pumah fimkhurna thu in zirtirna hi a ruahman a ni a ti a. Hei hi mipuiah rahtha a chhuah ngei kan beisei a, tun ang renga kan ram hi kan sua sam chuan thlaler ramroah a chang thuai ang a ti. Tunhnai maia Mizoramin kangmei avang a a tawrhna hrang hrangte tarlangin thangtharte hmakhua ngaia kan ram hi kan chhan a hun tak meuh a ni a ti.
Team Member Pu Lalsiama Fambawl Deputy Director, I&PR pawhin thusawiin Tuirial mipuite ang a luipui kam ramtha leh eitur thar tamna hmun bawhna chang kan hriat hun hunah tuna tlangram bua leh ro hi ngawpuiah kan siam thei ang tiin Mizo mipui tam zawkin luipui kam ram tha behchhan a awlsam zawka huan lo ram din turin a sawm a. Tlangram kan eidak tawh, thang leh buar hmun hi kan hum hloh anga ram hring leh mawiah kan siam thuai ang a ti. Mihring tana mamawh piahlam thlenga thing leh mai sua sam lo turin Tuirial mipui te a fuih bawk.
Pu Lalnunmawia ASI Bawngkawn pawhin thusawiin India danpuiah ram tikangtu chu kum 10 Lungin tan thlengin hremna a awm a,mi tupawh he dan hi bawhchhe lo turin a chah hlawm a; Forest Department aiawhin Pu Lianchuailovan kumthum lek chhungin Tuirial kam ngaw a chereu nasa hle a, ram neitu thinlung pua Forest Department te thawhpui zel turin mi pui a sawm bawk a ni.
Kangmei laka fimkhur in zirtirna hi ram pumah neih mek a ni a. Kar kalta zirhtawp niah pawh khan Phuaibuang Community Hall-ah Khawlian,NE Tlangnuam leh Daido te kokhawmin Phullen BDO Pi Lalsangpuii Hmar hoin beihpui thlak a ni a. Dr Lalnunhlua Medical Officer Phuaibuang PHC, Pu Lalthantlinga RO Phuaibuang ten kangmei laka mipui fimkhurna thu an sawi a ni.
Group 10 na hian an Programme duan chin vawiin khan an zo ta a, he Groupah hian Pu Lalhlira EE PWD, Pu Joseph Lalramsanga ASO I leh Pu Lalsiama Fambawl Dy Director I&PR te an tal a ni.
Team Member Pu Lalsiama Fambawl Deputy Director, I&PR pawhin thusawiin Tuirial mipuite ang a luipui kam ramtha leh eitur thar tamna hmun bawhna chang kan hriat hun hunah tuna tlangram bua leh ro hi ngawpuiah kan siam thei ang tiin Mizo mipui tam zawkin luipui kam ram tha behchhan a awlsam zawka huan lo ram din turin a sawm a. Tlangram kan eidak tawh, thang leh buar hmun hi kan hum hloh anga ram hring leh mawiah kan siam thuai ang a ti. Mihring tana mamawh piahlam thlenga thing leh mai sua sam lo turin Tuirial mipui te a fuih bawk.
Pu Lalnunmawia ASI Bawngkawn pawhin thusawiin India danpuiah ram tikangtu chu kum 10 Lungin tan thlengin hremna a awm a,mi tupawh he dan hi bawhchhe lo turin a chah hlawm a; Forest Department aiawhin Pu Lianchuailovan kumthum lek chhungin Tuirial kam ngaw a chereu nasa hle a, ram neitu thinlung pua Forest Department te thawhpui zel turin mi pui a sawm bawk a ni.
Kangmei laka fimkhur in zirtirna hi ram pumah neih mek a ni a. Kar kalta zirhtawp niah pawh khan Phuaibuang Community Hall-ah Khawlian,NE Tlangnuam leh Daido te kokhawmin Phullen BDO Pi Lalsangpuii Hmar hoin beihpui thlak a ni a. Dr Lalnunhlua Medical Officer Phuaibuang PHC, Pu Lalthantlinga RO Phuaibuang ten kangmei laka mipui fimkhurna thu an sawi a ni.
Group 10 na hian an Programme duan chin vawiin khan an zo ta a, he Groupah hian Pu Lalhlira EE PWD, Pu Joseph Lalramsanga ASO I leh Pu Lalsiama Fambawl Dy Director I&PR te an tal a ni.
