Community Hall la nei ngai lo Khamrang khaw mipuite hman turin Tuirial Bialtu MLA Pu Hmingdailova Khiangte chuan vawiin khan Khamrang Community Hall a hawng. He Hall sak nan hian Pu Hmingdailova Khiangte hian a mimal pawisa cheng Nuai 2.5 a thawh a ni.

He Hall hi a dung feet 60 leh a vang feet 30 leh bang 15.3 feet a sang a ni a, Cement Concrete hmanga sak a ni . Thalaite infiamna atana hman nghal theih tura duan a ni bawk.

Community Hall sak nan hian cheng Nuai 11.9 hman a ni a, MLA Fund Nuai 6.5, NEDP sum Nuai 2.9, MLA mimal pawisa Nuai 2.5 sen a ni. NEF Railways pawhin hmanraw hrang hrang an thawh bawk a ni.

Thingdawl BDO Pu Gaston Vanlalhriatpuia'n a kaihruai a ni.