Thingdawl MZP buatsaihin vawiin khan Thingdawl khaw High School atanga kum 2017 a H.S.L.C pass chhhuakte lawmpuina hun Vengthar Middle School, Thingdawl-ah hman a ni a, bialtu MLA Pu Hmingdailova Khiangte, Parliamentary Secretary in a hmanpui. 

Pu Hmingdailova Khiangte chuan result tha mai bakah thiamna tak tak nei thei turin zirlaite nawm tum hmasa lova, taima taka lehkha zir turin a fuih a. Zirlaibu mai nilo kan chhehvel boruak te pawh hre tel turin a chah a. Hnam chimral kan nih loh nan lehkha kan thiam a, kawng engkimah a chungnung zawk zela tang thei turin tanlak a ngai a ni a ti a. HIV/AIDS laka him theih nan zirlai te nun uluk tur leh invawng turin a chah bawk a ni. 

Vawiin HSLC pass thar lawmpui te hi 54 an ni a. Hun hi Lalhruaitluanga Vanchhawng, Vice President Thingdawl MZP in a kaihruai a ni.