India Republic Day vawi 63 na chu naktip January 26, 2012 hian ropui takin Kolasib Tumpui Field ah lawm a ni dawn a. Chawhma dar 11 ah DC Pi Niharika Rai, IAS chuan hnam puanzar a pawtparh ang a, thuchah a sawi nghal ang. A lawmna programme chi hrang hrang neih zui a ni ang.

He hunah hian sorkar officer leh an hnuaia hnathawkte chu kal vek tura hriattir an ni a. Mipui zawng zawngte pawh heta tel theuh tur hian sawm an ni. March Past hmuhnawm tak bakah SSA Pipe Band ten thiam an entir dawn a. MCO ten Mizo lam danglam tak an entir bawk ang. Department lian pali DRDA, Forest, PHE leh UD&PA ten an hnathawh ropuitak tak tarlanna Tableau an entir bawk dawn a ni.