Tun kar tir mai ah khan A.H & Vety Department chuan vawk hri Aizawl veng thenkhat ah a leng tih a hria a. Aizawl chhuah lamah a lang tam bik a hriat a ni. Department in a hriat veleh rang takin a ngaihven nghal a. Department mai nilo, College of veterinary Science, Selesih lama mithiam te nen thawk hovin eng natna ber nge tih hmuhchhuah tumin hma a la nghal vat a ni. Vawk natna hri hi kan hriat lar tak ‘Swine Fever’ (Vawk pul hri) natna a ni ngei em tih finfiah theih a ni rih lova. Eng natna ber nge tih hriat tumin Laboratory ah ‘Blood Sample’ te uluk lehzuala endik mek a ni.
He thil thleng avang hian vawiin dt.22.3.2013 chhun dar khat hian A.H & Vety Director chuan Emergency meeting a ko nghal a, Aizawl leh a chheh vela A.H & Vety Officer (Doctor) zawng zawng leh VFA te pawh koh khawm vek a hmalak dan tur sawiho a ni.
He vawk natna hri leng avanga chhiat tawk mekte chhawmdawl a,a theih ang ang a an ran damlo te enkawl turin Doctor rual leh Field Staff te pawh an feh chhuak mek zel a ni.Ran damlo te hi a thlawn in vaccine man to chi (Ampoule 1nos. Rs.750/-) in a pun lun tur ven a ni ang a, enkawlna man pawh a thlawn vek a kalpui turn a ni.
A.H & Vety Department hotu ten mipui hriat atana an duh chu : tun ang hun, ruahtui tlak tantirh lai vel hian ‘Hri’ hrim hrim hi a pun lun duh zual bik a, ran neitu ten uluk lehzual zawka an ran vulh te enkawla veng fimkhur theuh turin an chah duh tak meuh che u a ni. A rangthei ang berin ran damlo te chu State Vety Hospital, Khatla ah report zung zung theih ni sela, vengchhung Animal Health Centre ah report theih a ni bawk.
Vawkpul hri lo leng thut thei laka invenna atan Swine Fever Vaccine doze 30000, Indian Veterinary Research Instutute, Izatnagar atangin a chah thleng tawh bawk.
March thla chhung zawng hian A.H & Vety Department chuan District pariat ah Animal Health Camp khaw 16 ah a buatsaih a. Ran dam leh damlo inentir an thahnem thei hle a ni. Ran damlo te tan a thlawnin damdawi sem a ni a, mipuiin an hlawkpui tak meuh a, Animal Health Camp (Free Clinic) neih hi zawngchhang tlak tak niin an hria.
