1487/2026-2027
Aizawl the 22nd July, 2026: 1. Khamrang khaw daiah Methamphetamine tam tham tak man a ni
Ni 21.07.2026 khan CID (SB) leh Kolasib DEF tangkawp chuan Khamrang khaw daia National Highway-ah ruihhlo vai beihpui an thlak a. Methamphetamine mum ni ngeia rin Kg 15 (mum nuai 15 vel), cheng nuai 1,200 (₹12 crore) man hua ngaih an man. Hemi chungchangah hian a hnuaia tarlan mi palite hi man an ni:
- Sailothanga Sailo (42), S/o Lianzuala (L), Venglai, Kolasib.
- Lalchhuanmawia (23), S/o SR Lalnunmawia, Gosen Veng, Kolasib.
- Vanlalthlana (32), S/o Lalchhuanawma (L), Diakkawn, Kolasib.
- Laldinpuii (43), D/o Lalrinthanga (L), Vengthar, Kolasib.
Kawnpui PS-ah NDPS Act, 1985 Section 22(c)/25/29 hnuaiah case ziah luh a ni a, chhui chhunzawm mek a ni.
2. Khatla, Aizawl-ah Heroin man a ni
Ni 22.07.2026 khan Special Narcotics Police Station leh 34 Assam Rifles tangkawp chuan Khatla, Aizawl-ah Heroin gram 21.330 a an man. Ruihhlo hi R. Lalhumhima (26), S/o Lalthakima, Chhawrtui, Khawzawl District chhuak, tuna BSUP, Lawipu, Aizawl-a cheng mek kut aṭangin man a ni. NDPS Act-ah hnuaiah thubuai ziah luh a ni.
3. Sethlun, Lunglei-ah Heroin man a ni
Ni 21.07.2026 zan dar 7:00 vel khan DSB Lunglei leh 92 Bn BSF Zotlang, Lunglei tangkawp chuan Sethlun, Lunglei-ah Heroin No. 4, hawng 6, gram 71.59 a rit, ₹14,31,800 man hu, mi pahnih — Malsawmdawnga (33) s/o Zokunga (Champhai Vengthlang) leh Lalzarmawii (34) d/o F. Rotlinga (Bazar Veng, Lunglei) te kut aṭangin an man. Lunglei PS-ah thubuai ziah luh a ni.
4. CID(SB) te'n Aizawl-ah Methamphetamine tam tham tak an man
July 17, 2026 zan dar 6:00 vel khan CID (SB) Operation Team te chuan New Look Restaurant, Chanmari Kawn, Aizawl an dap a. Restaurant-ah hian Methamphetamine Kg 4.770, cheng nuai 382 (₹3.82 crore) man hu an man. Karimganj District, Assam lam mi pathum — 1) Juber Ahmed (24), 2) Md Sirajul Hoque (24), leh 3) Sakir Hussain (21) te hemi kaihhnawihah hian man an ni a, ND&PS Act section 22(c)/29(1) hnuaiah thubuai siamsak an ni.
Hemi ni vek zan dar 9:40 p.m vel khan CID (SB) Team bawk hian Thuampui, Aizawla Delhi Dhaba bulah lirthei pakhat, Malsawmtluanga (29) (Zokhawthar khua) khalh aṭangin Methamphetamine Kg 9.016, cheng nuai 721 (₹7.21 crore) man hu an man leh bawk a, NDPS Act Section 22(c) leh 25 hnuaiah thubuai ziah luh a ni.
CID (SB)-in kar tawp chhunga Aizawla Methamphetamine an man hi a belhkhawmin Kg 13.786 niin, ₹11,02,88,000/- (vaibelchhe ₹11.03) man hu a chhut a ni.
