1486/2026-2027
Siaha the 22nd July 2026: Siaha District Agriculture Officer Pu R Lalrinawma chuan Siaha District a loneitu, Lei tha lei duhte tan a hnuaia tarlan ang hian hriattirna a chhuah.
Siaha District a loneitute chuan Siaha District a Fertilizer Retail Dealer Sanghe MACS hnen atangin Fertilizer a lei theih dawn a, Fertilizer lei theih dan leh stock awm dan hi Sanghe MACS Chairman, Pu Buisusang, Phone 7838163966 ah office hun chhungin zawhfiah theih reng a ni e.
Fertilizer lei duh apiangte chuan heng a hnuaia inziak te hi zawm tur a ni:
1. Fertilizer lei turte chuan mahni awmna Village Council te kaltlang chauhin lei tur a ni a, a hlawmin VC kaltlanga lei tur a ni.
2. Fertilizer hi VC emaw pawl emaw mimal anga hralh chhawn phal a ni lo.
3. VC te hian an huam chhunga loneitute fertilizer an phurh sak nana an motor hmanna leh ei in man hi a tul angin loneitute an thawh khawm tir thei a, amaherawhchu Fertilizer hi an sem leh dawnah fertilizer man lo ti sangin hlep belh an nei tur a ni lo. An va khulh sakna ang zat chiahin loneitute an pe leh tur ani.
4. Loneitute leh VC te'n heng a hnuaia form te hi kim taka keng chauhin Fertilizer hi an lei thei ang:
Form-1 : DAO hnena Fertilizer lei dilna
Form-2 : VC leh YMA / MTP intiamkamna
Form-3 : Loneitute fertilizer mamawh ziahna
Heng form te hi fillup vek a nih hnuah District Agriculture Officer, Siaha District hnenah thehluh tur a ni. Form ah hian kimlo leh ziah hmaih a awm a nih chuan Fertilizer hi lei theih a ni lo ang.
FERTILIZER LEI CHUNGCHANGA HRIATTIRNA SIAHA.pdf
