3077/2022-2023
Aizawl 16th December 2022: Ni 9.12.2022 a Coordination Committee on Traffic Management thukhawm in a rel ang leh Mizoram State Sawrkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek angina Sr. Superintendent, Traffic chuan Aizawl khawpui (AMC area) chhungah ni 3.1.2023 atanga thuleh awm hma chu Two Wheeler Taxi tlan dan tur a hnuaia mi ang hian thupek ka chhuah e.

Two Wheeler Taxi te hi Group 3 (thum)ah Sticker A, B leh C in then an ni ang a, nitin Group 2 (hnih) zel an tlan ang a, Group 1 (khat) an tlan lo vang. Zing Dar 9:30 AM atanga Tlai Dar 5:00 PM inkar an intlanchhawk ang. Inrinni (Saturday) bikah Chawhnu Dar 1:00PM atangin Two Wheeler Taxi-te hi an vaia tlanchhuah phalsak an ni. Tin, Pathianni (Sunday) leh Sorkar Holiday ah pawh Two Wheeler Taxi-te hi an vai a tlanchhuah phalsak an ni

Two Wheeler Taxi Sticker thar hi Traffic Station ah Ni 21.12.2022 atangin lak chhuah theih a ni ang a, Sticker thar la chhuak tur apiang ten Sticker hlui an submit nghal tur a ni. Sticker hlui submit lo te chu Sticker thar pek chhuah theih a ni lo vang.