Nimin Dt.13th December 2017 khan BSUP Complex,Lawipu-ah mi harsa te puala insak chhungkaw 408 te luah tur sak zawh tawh nghal chu UD & PA Minister Pu Zodintluanga’n a hawng. In luah tur number pawh leh Housing Society chung chang in hrilhfiah nghal a ni.
Cheng nuai 3403 senga sak EWS housing complex Lawipu veng ami hi ni 29.11.2009 a sak tan niin ni 31.3.2016 khan sak zawh a ni a. Basic Services to Urban Poor (BSUP) JNNURM under Ministry of Housing and Urban Poverty Alleviation, Government of India hnuaia sum lo kal atanga sak a ni.
He programme ‘Grounding Function of Housing Complex for Economically Weaker Section under Basics Services to Urban Poor at Lawipu’ ah hian Pu Zodintluanga chuan thu sawiin khawpui chhunga mi harsa zawk ten leirem an rah a, eizawnna ngelnghet an neih theih nan UD & PA Department in scheme hrang hrang an neih thu leh an hmalak chhoh dan sawiin hemi atana sulsutu leh thawktu tangkai tak tak Senior Officer te leh tuna a lian atanga te ber thleng a thawktu leh lo pension tawhte hnenah lawmthu a sawi a.Aizawl Millennium Centre chung zawla UD & PA Department bultuma mahni thlai thar leh kutkawih hlawhtling taka zawrh chhuah hun siam te a hlawhtlin na ah lawmthu sawiin Rangvamual leh Durtlang te bakah District dangah te pawh hmalak tawh a niin a hlawhtlinna rah seng mek anih thu a sawi bawk.
Lawipu a in luah tur ten number an pawhchawp dan leh thlan dan a felfai thu sawiin Minister chuan an awm duh chhung an tu leh fate thlenga an luah theih thu leh tih riral leh hralh te erawh phal anih loh thu sawiin dil theih leh dil hun laia ngaihsak lo, luah duh te tan pawh an mahni awmna tur ngaihtuah sak zel tum a niin pawh hun siam sak zel tum anih thu a sawi a. A hun laia ngaihsak a tul leh pawimawh thu a sawi bawk.
Dr C.Vanlalramsanga kaihhruai vawiin programme ah hian Pu J.Laldingliana AE UD&PA Department in Technical report a pe a he department a chanvo pawimawh tak tak lo chelhtawh senior officer ten thu ansawi a, Minister hian alotment order inluahtu te hnenah a sem nghal a ni.
