Vawiin khan Urban Development & Poverty Allevation Minister Pu Zodintluanga’n ni hnih awh tur khawpui mamawh, khawpui hmasawnna atana ruhrel chungchangte leh a kaihhnawihte zirhona leh sawihona State Level Workshop on ‘Urban Development & Poverty Alleviation in Mizoram - Issues and Way Forward’ tih chu Aijal Club-ah a hawng. Workshop hi Mizoram Sawrkara Urban Development & Poverty Alleviation Department-in hemi chungchanga hnathawkte leh mawhphurna nei te thiamna leh hriatna tih chak leh tih phuisui zawk nan Comprehensive Capacity Building Programme hnuaia an buatsaih a ni.

Urban Development & Poverty Allevation Minister Pu Zodintluanga chuan Mizoram Sawrkar chuan Mizorama khawpuite chawikanna atan theih ang tawkin hma chak takin a lak chhoh mek thu a sawi a. Hemi atan hian Mizoram Sorkar sum neih ve theih ang tawkte bakah Central Sorkar sum te a theih anga hnukchhuakin hman tangkai a ni a. Tun kum 5/6 chhung vela UD&PA Department leh Urban Sector hnuaia Sawrkar hmalakna hi a ropui hle a ni, a ti.

UD&PA Department hian Central Sorkar ah Ministry 2, Ministry of Urban Development leh Ministry of Housing & Urban Poverty Alleviation te kan thlun zawm a. Heng Ministry 2 te nena kan inlaichhinna hi a tha hle a, chuvangin Scheme pawimawh tak tak Department hian Central ah Ministry pahnih kan nei a chungte chu Ministry of Housing and Poverty Alleviation (MoHUPA) leh Ministry of Urban Development (MoUD) te an ni a. MoUD hnuaiah hian Jawaharlal Nehru National Urban Renewable Mission (JNNURM) hi khawpui hmasawnna tur ruhrel (infrastructure) te siam that a ni. Infrstructure tha neih tur chuan a mihring a te thiamna leh hriatnate tih chak a ngaih vangin Capacity Building Programme a dah a. Ministry chuan State tin tan National Resource Centre a pe vek a, keini State tan Indian Institute of Public Administration (IIPA) enkawl Centre for Urban Studies (CUS), New Delhi a ni, a ti.

JNNURM (Phase I) hnuaia capacity building programe atan hian Rs.110.63 lacs dah a ni a. He programme hi September, 2014 khan zawh fel a ni. Hetah hian training vawi 15, exposure visit vawi 8 leh Zirchianna Research Studies 2 te neih a ni a. Training hi residential leh non-residential a then leh niin a then ATI, Aizawl ah leh IIPA, New Delhi ah te neih thin ani. Training leh exposure visit neih thin ah hian subject hrang hrang thupui a hmangin zir thin a ni. Heng programme neih tawh ah te hian line department - Public Works Department, Public Heath Engineering Department, SIPMIU, Aizawl Municipal Council, Aizawl Development Authority, Finance Department, Planning & Programme Implementation Department ten min rawn telhpui thin avanga hlawhtling thin a ni a, min telpui zel turin kan ngen nghal bawk che u a ni, a ti.

Comprehensive Capacity Building Programme hi Central Steering & Monitoring committee in pawm in Ministry in approved leh tawh a, kum 5 chhung in Rs. l55.02 lacs sengin buatsaih leh tur a ni a, tun hi he CCBP a vawi khatna a ni a, karleh 19 & 20^th March, 2015 khian Regional level neih leh tum a ni. CCBP chhungah hian Training (Residential & Non- Residential), Exposure Visit, Workshop , Research Studies buatsaih a ni thin a. State Level a hnathawktu Reforms & Performance Monitoring Cell din a, hetah hian Training & Research Co-ordinator, Social Development Specialist, IT Monitoring cum Evaluation Specialist, Municipal Finance Specialist mithiam tak tak te an awm a. District khawpui ah pawh Cell la din tur a hmalak mek a ni, a ti.

Pu Zodintluanga chuan Workshop a tel te chu ngaithla liam mai lova an tawnhriat te, an ngaihdante zau taka sawihona, an thiam loh leh an hriat loh te zawt hreh lova, ram hmasawnna turin theihtawp chhuah vek tura ngenin a fuih a ni.

He workshop ah hian thupui hrang hranga mithiam ten presentation an pe a, chungte chu -

1. Urban Governance Initiatives - India and International Context 

Speaker  : Prof. Srinibas Pathi, Dean School of Social Sciences, Mizoram University.

2. Urban Infrastructure Development Initiatives with special reference to JNNURM, 10% Lumpsum Grants, Annual Plan etc.

Speaker  : Pu Vanlalmawia, Joint Director (A), UD&PA Deptt.

3. Urban Poverty Alleviation in the context of SJSRY/NULM 

Speaker : Pu HVL Zarzoenga, Joint Director (P), UD&PA Deptt.

4. Housing the Urban Poor -JNNURM and RAY Initiatives 

Speaker : Dr. Sachin Chowdhry, IIPA, Delhi

5. Master Plans for regulating development of cities/towns

Speaker : Pu Zoduailova Zote, Joint Director, Town & Country Planning.

6. Challenges in Urbanization in Mizoram

Speaker : Dr. Sachin Chowdhry, IIPA Delhi.

Workshop ah hian UD&PA Department-a Directorate leh Secretariat; District Urban Development Office - Kolasib/Champhai/Lunglei; District Project Officer -Lawngtlai/Saiha; Town & Country Planning;  Aizawl Municipal Council; Sanitation Wing- Aizawl; Sanitation Office -Mamit/ Serchhip; SIPMIU; PHED; PWD leh Planning Department MADC, Saiha leh LADC Lawngtlai a thawkte an tel a ni.

Department pakhat chauh in ram hmasawnna a siam theilo tih hrerengin UD&PA Department hian JNNURM leh RAY hnuai ah hian Capacity building - Training (Residential & non- residential), workshop, seminar, Exposure Visit, research studies-te a buatsaih thin a, heng programme ah hian department mal bik ang nilo in UD&PA Deptt kaihhnawih leh line department te nen neih ho thin a ni.

Workshop kharna hi naktuk ah Pu H. Laizika, Additional Secretary, UD & PA Department-in a hmanpui ang.