Vawiin khan Urban Development & Poverty Alleviation Minister Pu Zodintluanga’n ni hnih awh tur tlangram khawpui ten a Urban Transport chungchang a an mamawh, harsatna leh kawng awm thei leh a kaihhnawih hrang hrangte zirhona leh sawihona ‘Regional Workshop on Urban Transport- Issues and Way Forward for Hill Cities’ tih chu Aijal Club-ah a hawng. Workshop hi Mizoram Sawrkara Urban Development & Poverty Alleviation Department-in hemi chungchanga hnathawkte leh mawhphurhna nei te thiamna leh hriatna ti chak leh tih phuisui zawk nan Comprehensive Capacity Building Programme hnuaia buatsaih a ni.

Urban Development & Poverty Allevation Minister Pu Zodintluanga chuan “tunlai khawvelah Urban Centres te hi ‘Centres of Growth’ tih te ‘Engines of Growth’ ti tea sawi a lo ni a. Chumi awmzia chu khawpui te hi hmasawnna hmunpui leh ram chhung sum dehchhuah na kawnga thawk hlawk ber tu an ni a. Chutiang khawpui te chu kan economy atana thawh hlawk thei tur chuan kawng hrang hrangah Sorkar-in hma kan lak a tul a. Urban Infrastructure chi hrang hrang kan siam a ngai a, urban planning fel tak kan neih a tul a, chenna in tur hrang hrang, urban housing lam kan kalpui a tul a. Khawpuia mirethei chawikanna lam, urban poverty alleviation te chak taka kalpui a tul a. Khawpui faina lam, Urban Sanitationi uluk taka kalpui a tul bawk a. Heng zawng zawng piahah hian khawpuia inkalpawhna leh kal velna lam, urban transportation leh urban mobility hi kan ngaihtuah a lo tul chho ta hle a ni. Kan khawpui economy thang zel tur leh hna thawk chak thei tur chuan awlsam taka mihring leh bungrua te kan phurh kual zung zung theih a tul a ni”, a ti.

Minister chuan “Urban Transport hi subject thar deuh chan a chang a. Ram changkanna avangin mitin maiin lirthei kan lo nei chho va, kan kawng te chu traffic jam in min tibuai nasa ta em em a. Traffic Jam hi khawpui lian, metro city leh mega-city ah chauh ni lovin khawpui te zawk, kan Zoram leh North-East States ho leh tlangram State te pawhin kan harsatna tawh theuh a lo ni ta a. Heng harsatna te hi kawng tihzauh leh siam pun ringawt a chinfel theih a lo ni ta lo. Urban Planning uluk taka kalpui a, tunlaia mithiamte tawngkam takin ‘Transit-Oriented Development’ kan kalpui a tul a. Ram kan hman dan (Land-use) leh transport planning hi kan kalkawp tir a lo tul ta a ni. Chumai bakah khawpuiah lirthei kal vel tana parking management kalpui te, pedestrian tana khawpui nuam leh him siam a, kan khawpui te hi pedestrian-friendly cities a kan siam hi thil tul tak, hmalak ngai em em a ni”, a ti.

Urban Transport hi Department leh Agency anga hmalatu tam tak kan awm a. UD&PA te, PWD te, Police (Traffic) te, Municipal Authorities te, Transport Department, etc. ten kawng hrang hrangin hma kan la hlawm a. Urban Transportation leh Mobility tha taka nei tur chuan heng Department leh Agency te hi kan thawhho tlan a, kan hmalakna te hi kan luan khawm (converge) tir a tul a ni. Chutiang tura ngaihtuahna seng a hma la theuh turin ka sawm che u a ni” a ti bawk.

Pu Zodintluanga chuan Workshop a tel te chu ngaithla liam mai lova an tawnhriatte, an ngaihdante zau taka sawihona, an thiam loh leh an hriat loh te zawt hreh lova, ram hmasawnna turin theihtawp chhuah vek tura ngenin a fuih a ni.

JNNURM (Phase I) hnuaia capacity building programe atan hian Rs.110.63 lacs dah a ni a. He programme hi September, 2014 khan zawh fel a ni. Hetah hian training vawi 15, exposure visit vawi 8 leh Zirchianna Research Studies 2 te neih a ni a. Training hi residential leh non-residential ah then leh niin a then ATI, Aizawl ah leh IIPA, New Delhi ah te neih thin a ni. Training leh exposure visit neih thin ah hian subject hrang hrang thupui a hmangin zir thin a ni. Heng programme neih tawh ah te hian line department - Public Works Department, Public Heath Engineering Department, SIPMIU, Aizawl Municipal Council, Aizawl Development Authority, Finance Department, Planning & Programme Implementation Department te an tel thin a ni.

Comprehensive Capacity Building Programme hi Central Steering & Monitoring Committee in pawm in Ministry in a approved leh tawh a, kum 5 chhung in Rs.l55.02 lacs seng a buatsaih leh tur a ni a, tun hi he CCBP a vawi khatna a ni a, karleh 19 & 20th March, 2015 khian Regional Level neih leh tum a ni. CCBP chhungah hian Training (Residential & Non- Residential), Exposure Visit, Workshop , Research Studies buatsaih a ni thin a. State Level a hnathawktu Reforms & Performance Monitoring Cell din a, hetah hian Training & Research Co-ordinator, Social Development Specialist, IT Monitoring cum Evaluation Specialist, Municipal Finance Specialist mithiam tak tak te an awm a. District khawpui ah pawh Cell la din tur a hmalak mek a ni.

He workshop ah hian thupui hrang hranga mithiam ten presentation an pe a, vawiin khan Pu Lalduhawma, Member Secretary, Mizoram Pollution Control Board chuan Environmental Concerns in Urban Mobility chungchang, Pu Parvesh Shawarat’n Urban Transport Planning in the context of National Urban Transport Policy 2006 leh Special Problems in Urban Mobility chungchang ah te leh Pu Prasnth Bacha, EMBARQ, Hyderabad chuan Infrastructures for Urban Transportation chungchangah te presentation pein sawiho hun an hmang.

Natuk khian Pu Parvesh Shawarat’n Non-motorized Transport chungchang, Pu Lallianmawia, SP, Traffic in Parking & Traffic Management for Hill Cities chungchangah leh Pu Prasnth Bacha, EMBARQ, Hyderabad in Role of Public Transport for Urban Mobility chungchang a an thuziak te zirho niin sawiho a ni dawn.

Workshop ah hian UD&PA Department-a Directorate leh Secretariat; District Urban Development Office - Kolasib/Champhai/Lunglei; District Project Officer -Lawngtlai/Saiha; Town & Country Planning; Aizawl Municipal Council; Sanitation Wing- Aizawl; Sanitation Office -Mamit/ Serchhip; Aizawl Traffic; Transport Department leh Planning Department MADC, Saiha leh LADC Lawngtlai a thawkte an tel a ni.

Department pakhat chauh in ram hmasawnna a siam theilo tih hrerengin UD&PA Department hian JNNURM leh RAY hnuai ah hian Capacity building - Training (Residential & non- residential), workshop, seminar, Exposure Visit, research studies-te a buatsaih thin a, heng programme ah hian department mal bik ang nilo in UD&PA Department kaihhnawih leh line department te nen neih ho thin a ni.

Workshop kharna hi naktuk ah Secretary, UD & PA Department-in a hmanpui ang.