Vawiin khan Aizawl District a ERO leh AERO te tan Deputy Commissioner Office-ah National Electoral Roll Purification and Authentication Programme (NERPAP) chungchang inzirtirna neih a ni. Election Commission of India chuan Electoral Roll felfai leh dik zawk neih a nih theih nan March 3, 2015 khan NERPAP hi a tan a.

He training hi Dr. Franklin Laltinkhuma IAS, Deputy Commissioner, Aizawl chuan kaihruaiin he training-ah hian NERPAP chungchang a ERO/AERO te mawhphurhna inzirtir niin ERO leh AERO ten an bial chhunga BLO te training an pek dan tur zir ho a ni bawk. Aizawl District a Rural Constituency BLO te chu an bialtu ERO/AERO te theuhin an mahni bial ah training an pe ang a, Aizawl khaw chhunga BLO te chu a huho in Vanapa Hall-ah training pek tur a ni ang.